ایک یمنی فوجی ذریعے نے بتایا ہے کہ اس ملکی کی مسلح افواج کے انتباہ کے بعد سعودی عرب کی جانب جانے والے کئی جہاز دور ہونے پر مجبور ہوگئے۔
تہران- ارنا- مذکورہ باخبر ذریعے نے بتایا کہ یہ 6 جہاز سعودی عرب پر عائد یمن کے بحری محاصرے کی خلاف ورزی کرنا چاہتے تھے تاہم صنعا کی جانب سے انتباہ کے بعد انہیں باب المندب اور سوئز چینل کی جانب واپس لوٹنا پڑ گیا۔
دریں اثنا یمن کی پارلیمان کی سربراہی کمیٹی نے اعلان کیا ہے کہ یمن نے امن کے تمام مواقع اور آپشنوں کو آزما لیا ہے اور فطری بات ہے کہ اب [سعودی عرب] کی ضد کو مزید برداشت نہیں کیا جائے گا اور ریاض کو اپنے اقدامات اور انتباہات اور تجاویز کو نظرانداز کرنے کی ذمہ داری قبول کرنا ہوگی۔
قابل ذکر ہے کہ پیر کے روز یمن کی مسلح افواج کے ترجمان جنرل یحیی سریع نے باضابطہ طور پر اعلان کیا کہ سعودی عرب کی جانب سے 12 سال سے زیادہ یمن کے برّی، بحری اور فضائی محاصرے کے جواب میں اب کسی بھی جہاز کو سعودی عرب کی بندرگاہوں کی جانب جانے کی اجازت نہیں ہوگی اور خلاف ورزی کی صورت میں وہ تمام جہاز یمن کی مسلح افواج کے نشانے پر ہوں گے۔