حوزہ نیوز ایجنسی کی رپورٹ کے مطابق، پاکستان سنی تحریک ملتان کے زیر اہتمام گلوبل صمود فلوٹیلا کے شرکاء کی گرفتاری کے خلاف غزہ، فلسطین کے مسلمانوں کی حمایت کے لیے اسرائیل مردہ باد احتجاجی مارچ منعقد کیا گیا؛ جس میں علمائے کرام، مشائخِ عظام اور قائدین نے شرکت کی۔

احتجاجی مظاہرے میں معروف میلادی رکن الدین حامدی، سماجی وسیاسی رہنما ملک یوسف، علامہ سعیداخترقادری، علامہ کامران عالم نقشبندی، ملک عبدالقدیر کھوکھر سمیت دیگر افراد شریک تھے۔

اس موقع پر مقررین نے کہا کہ عالمی دہشتگرد اسرائیل کے غزہ، فلسطین پر ظلم وستم اور عالمی طاقتوں کی خاموشی، 57 اسلامی ممالک کا عملی اقدام نہ کرنا انتہائی شرمناک اور انسانیت سوز عمل ہے، پوری دنیا میں انسان سراپا احتجاج اور عالم اسلام کے سربراہان خاموش تماشائی کا کردار ڈوب مرنے کے مترادف ہے، اسرائیل اور اس کے حامی صیہونی طاقتوں کو اگر عملی طور پر فوری اس ظلم بربریت سے نہ روکا گیا تو یہ ظلم کی آگ پوری دنیا کو لپیٹ لے گی، اسلامی ممالک کے سربراہان سے مطالبہ کرتے ہیں کہ شرم کرو شرم کرو شرم کرو اور ناجائز ریاست اسرائیل کو صفحہ ہستی سے مٹانے کے لیے متحد ہو جاؤ۔