صیہونی فوج کے ریڈیو نے اس حملے کی تصدیق کرتے ہوئے دعوی کیا کہ اس گاڑی میں القسام بریگیڈ کے ہتھیاروں کے امور کے سربراہ علاء الحدیدی موجود تھے۔

صیہونی فوج کے ریڈیو نے بتایا کہ یہ حملہ امریکہ کو اعتماد میں لیکر کیا گیا ہے۔

اس کے علاوہ صیہونی فوج نے وحشیانہ کارروائیوں کا سلسلہ جاری رکھتے ہوئے دیرالبلح میں واقع "مسجد بلال" اور اس کے اطراف واقع ایک رہائشی عمارت اور روٹی کی دکان کو میزائل مار کر تباہ کردیا۔

دریں اثنا صیہونی فوج نے العودہ ہسپتال کے قریب واقع النصیرات کیمپ کو بھی فضائی جارحیت کا نشانہ بنایا ہے۔

یہ حملے ایسی حالت میں جاری ہیں کہ جنگ بندی معاہدہ نافذ ہوئے بھی کافی عرصہ گزر چکا ہے لیکن غاصب اسرائیلی حکومت ہر بہانے سے غزہ کو شانہ بنا رہی ہے اور امدادی سامان پہنچنے میں رکاوٹیں بھی پیدا کر رہی ہے۔