بتایا گيا ہے کہ صیہونی آبادکاروں نے ہفتے کی صبح المغیر فلسطینی قصبے پر میں واقع رزق ابونعیم نام کے فلسطینی شہری کے گھر پر دھاوا بول دیا، ان کے گھروالوں کو زد و کوب کا نشانہ بنایا اور ان کے مویشیوں کی بڑی تعداد کو زہر دیکر مار دیا۔

علاقے کے دیگر فلسطینیوں نے بتایا ہے کہ اس نوعیت کے واقعات میں شدت آرہی ہے۔

یاد رہے کہ صیہونی آبادکار اس گھناؤنی حرکت کا ارتکاب کرکے فلسطینی شہریوں کو اپنے گھر چھوڑنے پر مجبور کر رہے ہیں۔

گزشتہ چند مہینے کے دوران المغیر قصبے پر صیہونی آبادکاروں کے حملوں میں روز بروز اضافہ ہوتا جا رہا ہے۔

غاصب آبادکار فلسطینیوں کی گاڑیوں کو بھی نذر آتش کردیتے ہیں اور قصبے کی دیواروں پر نسل پرستانہ نعرے لکھتے ہیں۔

ہفتے کی صبح کو بھی فلسطینی شہریوں کی زرعی مشینریوں کو چرایا گیا ہے۔

یہ ایسی حالت میں ہے کہ غاصب آبادکاروں کو صیہونی حکومت کی مکمل حمایت حاصل ہے۔