اس موقع پر آصف علی زرداری نے صیہونی حکومت کی ایران پر جارحیت کے دوران اور اس کے بعد پاکستان کی اظہار یکجہتی پر زور دیا اور کہا کہ اسلام آباد، سیاسی اور سفارتکاری کے میدانوں میں تہران کی حمایت جاری رکھے گا۔

انہوں نے اسلامی جمہوری ایران کے صدر ڈاکٹر مسعود پزشکیان سے اپنی ملاقات کا ذکر کرتے ہوئے کہا کہ اسلام آباد اور تہران کے مابین تعلقات میں فروغ کا تسلسل، دونوں ملکوں کے مثبت رجحان کی عکاسی کرتا ہے۔

پاکستان کے صدر نے فلسطینی اور کشمیری عوام کی حمایت پر مبنی ایران کے اصولی موقف کا بھی خیرمقدم کیا۔

انہوں نے پاکستان میں سیلاب کے موقع پر ایران کی ہلال احمر سوسائٹی کی جانب سے بھیجی گئی امدادی کھیپ کا شکریہ ادا کیا۔

آصف علی زرداری نے کہا ایران اور پاکستان کے تعلقات کی بنیاد مشترکہ تاریخ، ایمانی جذبے اور ثقافت پر ہے اور یہ تعلقات دونوں ملکوں کے لیے ضروری اور انتہائی فائدہ مند ہیں۔

پاکستان کے صدر نے 12 روزہ جنگ کے دوران ایرانی عوام کی شاندار مزاحمت کو سراہا اور کہا کہ رہبر انقلاب اسلامی نے اس جنگ کے دوران جس قیادت کا مظاہرہ کیا وہ قابل تحسین ہے۔

انہوں نے علی لاریجانی سے کہا کہ ان کے سلام اور احترام کے پیغام کو رہبر انقلاب اسلامی آیت اللہ العظمی سید علی خامنہ ای تک ضرور پہنچائيں۔

ڈاکٹر علی لاریجانی نے حالیہ واقعات میں پاکستان کی مسلح افواج کی کامیابیوں اور شجاعت کو سراہا اور کہا کہ پاکستان کی کامیابی، ایران کی کامیابی ہے۔

انہون نے کہا کہ صدر ایران نے دورہ پاکستان کے بعد، پاکستانی پیداوار کے لیے ٹیرف ریلیف کے کئی احکامات جاری کیے ہیں جو 10 ارب ڈالر کی مشترکہ تجارت کے ٹارگیٹ کے حصول کی جانب ایک اہم قدم ثابت ہوگا۔

اس موقع پر خطے کے حالات، بین الاقوامی منظرنامہ، سیکورٹی تعاون اور دہشت گردی کے مقابلے پر بھی بات چیت ہوئی۔