حضرت امام خمینی (رہ) کے کردار و عمل کو مشعل راہ بنانے پر تاکید

Rate this item
(0 votes)
حضرت امام خمینی (رہ) کے کردار و عمل کو مشعل راہ بنانے پر تاکید

ہندوستان کے زیر انتظام جموں و کشمیرمین انجمن شرعی شیعیان کے صدر نے بانی انقلاب اسلامی ایران حضرت امام خمینی ؒ کو انکی 33ویں برسی پر شاندار خراج عقیدت پیش کرتے ہوئے کہا ہے کہ امت مسلمہ کو حضرت امام خمینی (رہ) کے کردار و عمل کو مشعل راہ بناتے ہوئے سامراجی طاقتوں کا مقابلہ کرنا چاہیے۔

مہر خبررساں ایجنسی کی رپورٹ کے مطابق ہندوستان کے زیر انتظآم جموں و کشمیرمین انجمن شرعی شیعیان کے صدرحجۃ الاسلام والمسلمین سید حسن موسوی نے بانی انقلاب اسلامی ایران حضرت امام خمینی ؒ کو انکی 33ویں برسی پر شاندار خراج عقیدت پیش کرتے ہوئے کہا ہے کہ امت مسلمہ کو حضرت  امام خمینی (رہ) کے کردار و عمل کو مشعل راہ بناتے ہوئے سامراجی طاقتوں کا مقابلہ کرنا چاہیے۔ انجمن شرعی شیعیان کے صدر حجت الاسلام والمسلمین آغا سید حسن الموسوی الصفوی نے حضرت امام خمینی ؒ کو خراج  عقیدت پیش کرتے ہوئے کہا کہ موصوف ایک عرفانی روحانی اور الہامی شخصیت تھی جس نے اسلام کی حقیقی فکر اور نصب العین کو اجاگر کیا اور ایرانی قوم کو ایک ایسی شہنشاہیت کے خلاف فیصلہ کن مزاحمت کے لئے آمادہ کیا جس شہنشاہیت کی پشت پر دنیا کی تمام سامراجی قوتیں تھی یہ امام خمینی ؒ کی قائدانہ صلاحیتوں کا نتیجہ تھا کہ ایران میں نہ صرف صد سالہ شہنشاہیت کا خاتمہ ہوا بلکہ ایک اسلامی نظام حکومت قائم ہوا آغا صاحب نے کہا کہ امام خمینی ؒکی سب سے بڑی دین نظام ولایت فقیہ ہے جس کی بیخ کنی کے لئے اسلام مخالف قوتیں مدتوں سے مصروف عمل ہیں اس موقعہ پر آغا صاحب نے وادی میں کشمیری پنڈتوں اور غیر ریاستی مزدوروں کی ہلاکتوں کے سلسلے کو انتہائی تشویش ناک قرار دیتے ہوئے کہا کہ یہ ہلاکتیں قابل مذمت ہیں انہوں نے کہا کہ ان ہلاکتوں سے وادی میں صدیوں سے قائم مذہبی بھائی چارے کو ناقابل تلافی نقصان پہنچ رہا ہے۔آغاصاحب نے کہا کہ اس نازک مرحلے پر جموں و کشمیر انجمن شرعی شیعیان کشمیری پنڈتوں کے ساتھ کھڑی ہے اور مہلوک افراد کے لواحقین کے غم و ماتم میں برابر کی شریک ہے ۔

Read 655 times