بیروت میں اسلامی جمہوریہ ایران کے سفارتخانے کے زیر اہتمام فلسطین کے موضوع پر فوٹو نمائش لگائي گئي ہے۔

اس نمائش کا ا فتتاح گذشتہ روز عالمی یوم قدس کے موقع پر ہوا۔ اس نمائش میں فلسطین کے مسئلے پر مختلف پہلوؤں سے تصویریں لگائي گئي ہیں۔

ان تصویروں میں فلسطینی کاز، قدس اور مسجد الاقصی کی اہمیت، صیہونی حکومت کے خلاف جاری مزاحمت اور علاقے میں صیہونی حکومت کی سازشوں کے لحاظ سے سینکڑوں تصویریں دیکھی جاسکتی ہیں۔

اس نمائش کی افتتاحی تقریب میں بیروت میں اسلامی جمہوریہ ایران کے سفیر نے کہا کہ عالمی یوم قدس، محض قدس سے مختص نہیں ہے بلکہ یہ مستکبریں کےخلاف مستضعفیں کی جدوجہد کا بھی دن ہے۔

اس نمائش کی افتتاحی تقریب میں لبنان اور فلسطین کی مختلف سیاسی، صحافتی اور ثقافتی شخصیتوں نے شرکت کی۔ یہ فوٹو نمائش ماہ مبارک رمضان کے اختتام تک جاری رہے گي۔