یوم ولادت حضرت امام عصر (عج) کے موقع پر کربلا بلدیہ کل سے اپنا سروس پلان شروع

Rate this item
(0 votes)
یوم ولادت حضرت امام عصر (عج) کے موقع پر کربلا بلدیہ کل سے اپنا سروس پلان شروع

15 شعبان اور یوم ولادت حضرت امام عصر (عج) کے موقع پر کربلا بلدیہ کل سے اپنا سروس پلان شروع کرے گی۔

سڑک کی صفائی

کربلا میں سیکورٹی پلان کے نفاذ کے ساتھ ہی صوبہ کربلا کی بلدیہ کے میڈیا آفیسر محمد الموسوی نے ایک بیان میں اعلان کیا: دو ہزار سے زائد ملازمین سڑکوں کی صفائی کے لیے کام کر رہے ہیں اور بلدیہ نے سڑکوں کی صفائی کے لیے آلات مختص کیے ہیں۔

سیکیورٹی

کربلا میونسپلٹی کے میڈیا اور تعلقات کے افسر احسان الاسدی نے کہا: فوج اور پولیس کی سیکورٹی ٹیمیں داخلی راستوں اور تین شاہ راہوں پر تعینات ہیں تاکہ زائرین کی حفاظت کو یقینی بنایا جا سکے۔تقریباً 600 سی سی ٹی وی کیمرے سڑکوں پر لگائے گئے ہیں۔

موکب کا اہتمام

اس سال 15 شعبان کے موقع پر عراق کے مختلف صوبوں سے 834 موکب زائرین کا خیرمقدم کریں گے تاکہ زائرین کو مختلف خدمات فراہم کی جاسکیں۔

جشن چراغاں

شب ولادت امام مہدی عجل اللہ تعالیٰ فرجہ الشریف مومنین کربلائے معلیٰ میں مقام امام زمان (عج) کے قریب شمع جلا کر جشن مناتے ہیں اور امام علیہ السلام کی ولادت کے موقع پر کافی تعداد میں شمع روشن کی جاتی ہیں۔

زائرین کی نقل و حمل

توقع ہے کہ عراق، عرب اور بیرونی ممالک، جیسے ہندوستان اور پاکستان سے 11 ملین سے زیادہ لوگ کربلا میں آئیں گے، کربلائے معلی کے ٹرانسپورٹیشن منیجر نے کہا:5 ہزار سے زیادہ گاڑیاں زائرین کو مختلف مقامات تک پہونچانے کے لئے آمادہ ہیں۔

میڈیکل سہولتیں

محکمہ صحت میں کربلا کے سروس ڈیپارٹمنٹ زائرین کو خدمات فراہم کرنے کی تیاری کر رہے ہیں۔کربلا کے محکمہ صحت کے ڈائریکٹر صباح الموسوی نے ایک بیان میں کہا: کربلا کے اندر 86 ایمبولینسوں کو تعینات کر دیا گیا ہے اور سات سرکاری ہسپتال خدمت کے لیے تیار ہیں۔ "زینب الکبری" نامی خصوصی سرجری سینٹر بھی کھول دیا گیا ہے اور اسی طرح 33 ٹیمیں زائرین کو پینے کا پانی فراہم کرنے کے لئے آمادہ ہیں۔

Read 215 times