شیرازی مرصع کاری،اہم ترین اور خالص ترین ایرانی مرصع کاری شمار ہوتی ہے جس کی تاریخ ایک ہزار برس سے زیادہ ہے۔ مرصع کاری کے شیرازی فنکار، معیاری سامان خاص قسم کی لکڑیوں اور قدرتی ہڈیوں پر اپنی منفرد مہارت کے ساتھ فنکاری کے جوہر دکھاتے ہیں اور اس بات نے شیرازی مرصع کاری کو ممتازکردیا ہے۔ شیرازی مرصع کاری کے ممتاز فنکار، حمید اطمینان نے اپنے ذاتی خرچ سے اس شہر کی ایک تاریخی عمارت میں، " خانہ خاتم شیراز" یعنی شیراز مرصع کاری ہاؤس کے نام سے شیرازی مرصع کاری کا ایک میوزیم بنایا ہے جو ایران کی ایک ثقافتی میراث، شیراز کے مخصوص فن مرصع کاری کو متعارف کرانے اور معروف فنکاروں کے تیار کردہ نادر فنپاروں کے تحفظ اور نمائش کا مرکز شمار ہوتا ہے۔