سپاہ پاسداران انقلاب اسلامی کے ڈپٹی کمانڈر برائے سیاسی امور میجر جنرل یداللہ جوانی نے العالم ٹی وی کو انٹرویو دیتے ہوئے کہا کہ ایران کے خلاف جنگ میں امریکہ اور صیہونی حکومت کی شکست کا سامنا کرنا پڑا ہے۔

ارنا کے مطابق میجر جنرل ید اللہ جوانی نے العالم ٹی وی کو انٹرویو دیتے ہوئے کہا کہ امریکہ نے ایران کے خلاف جنگ کے حوالے سے اپنے حساب کتاب میں ایک اسٹریٹیجک غلطی کی اور اپنے مطلوبہ اہداف حاصل کرنے میں ناکام رہا۔

انہوں نے کہا کہ واشنگٹن اس خیال کے ساتھ جنگ ​​میں داخل ہوا کہ وہ چند دن کے اندر اندر ایرانی مسلح افواج کو شکست ، ملک کو تقسیم  اور ایران پر اپنا تسلط بحال کر سکتا ہے۔ تاہم، جنگ میں ہونے والی پیش رفت نے واضح کردیا کہ  یہ تخمینے میدانی حقائق سے میل نہیں کھاتے۔

 انہوں نے کہا کہ ایران کی مسلح افواج کسی بھی ممکنہ فوجی اقدام کا جواب دینے کے لیے پوری طرح تیار ہیں اور اس بات ہمارا جواب پہلے کہیں زیاد سخت ہوگا۔

سپاہ پاسداران انقلاب اسلامی کے ڈپٹی کمانڈر برائے سیاسی امور نے کہا کہ امریکہ اور صیہونی حکومت کی جانب سے  جنگ کو دوبارہ شروع کرنے میں ہچکچاہٹ کی وجہ یہ ہے کہ وہ اب تک اس طرح کی کارروائی کے نتائج کے بارے میں مطمین نہیں ہیں۔

انہوں نے کہا کہ آئندہ جنگ میں مدر آف آل بم کا استعمال  کرکے بھی امریکہ اور صیہونی حکومت مطلوبہ نتائج حاصل نہیں کرسکیں گے۔ 

میجر جنرل یداللہ جوانی نے علاقائی ممالک کے ساتھ ایران کے تعلقات کا ذکر کرتے ہوئے کہا کہ  اسلامی جمہوریہ کو خطے کی قوموں اور حکومتوں سے کوئی مسئلہ نہیں ہے لیکن ہم بعض علاقائی ممالک میں امریکی فوجی اڈوں کے استعمال کو علاقائی سلامتی کے لیے خطرہ سمجھتے ہیں۔

انہوں نے مزید کہا کہ ایران نے پہلے اعلان کیا ہے کہ وہ ان اڈوں کو نشانہ بنائے گا جو اس ملک پر حملے کے لیے استعمال ہوتے ہیں۔ تاہم، اس پوزیشن کا مطلب ان اڈوں کی میزبانی کرنے والے ممالک کے خلاف دشمنی نہیں ہے۔

 ایران کے پیرا اتھیلیٹ علی رضا زارع نے مردوں کے ٹی 35 کیٹیگری میں 100 میٹر کی دوڑ کے فائنل میں پیراایشین گیمز کا اب تک کا ریکارڈ توڑ دیا ۔

 انھوں نے 12 اعشاریہ 32 سیکنڈ میں یہ فاصلہ طے کرکے، نیا ریکارڈ قائم کرکے سونے کا تمغہ حاصل کرلیا۔

علی رضا زارع نے عراق، ہندوستان، جنوبی کوریا اور ہانگ کانگ کے کھلاڑیوں کو پیچھے چھوڑ کر پہلی پوزیشن اورگولڈ میڈل حاصل کیا۔

 سپاہ پاسداران انقلاب اسلامی کی بحریہ کے شعبۂ تعلقات عامہ نے اعلان کیا ہے کہ آبنائے ہرمز کے جنوبی علاقے میں ایک آئل ٹینکر سمندری بارودی سرنگ سے ٹکرا گیا، جس کے نتیجے میں اس کے انجن روم میں دھماکا ہوا اور آگ بھڑک اٹھی۔

تفصیلات کے مطابق، ایرانی بحریہ کے بیان میں کہا گیا ہے کہ مذکورہ آئل ٹینکر آبنائے ہرمز سے باہر نکلنے کی کوشش کر رہا تھا۔ اس نے اپنے روانگی کے مقام سے ہی تمام پوزیشننگ اور نیویگیشن نظام بند کر رکھے تھے اور آبنائے ہرمز کے ضوابط کو نظرانداز کرتے ہوئے جنوبی حصے میں غیر مجاز راستے سے گزرنے کی کوشش کر رہا تھا، جس کے دوران یہ حادثہ پیش آیا۔

پاسداران انقلاب کی بحریہ نے خبردار کیا ہے کہ آبنائے ہرمز اور خلیج فارس سے گزرنے والے جہازوں نے اگر اپنے نیویگیشن اور شناختی نظام بند کیے تو ان کے خلاف سخت اور فیصلہ کن کارروائی کی جائے گی۔

سپاہ پاسداران انقلاب اسلامی کے کمانڈر انچیف کے سینئر مشیر بریگیڈیئر جنرل محمد رضا نقدی نے کہا ہے کہ ایران نے اپنے میزائلوں کا باپ تیار کر رکھا ہے اور دشمن کی کسی بھی غلطی کی صورت میں اس کے لیے بچ نکلنے کا کوئی راستہ نہیں ہوگا۔

تفصیلات کے مطابق، جنرل محمد رضا نقدی نے شمالی شہر ساری میں جان فدای ایران مہم میں شریک ہزاروں افراد سے خطاب کرتے ہوئے کہا کہ ایران کے خلاف کسی بھی نئی جارحیت کا جواب دیا جائے گا اور دشمن اپنے مقاصد حاصل کرنے میں ناکام رہے گا۔

جنرل نقدی کا ایرانی میزائلوں کے ’باپ‘ سے متعلق بیان امریکی صدر ڈونلڈ ٹرمپ کی اس دھمکی کے جواب میں سامنے آیا، جس میں انہوں نے ایران کے توانائی کے بنیادی ڈھانچے اور جوہری تنصیبات کے خلاف جی بی یو 43/بی نامی طاقتور بم استعمال کرنے کی دھمکی دی تھی۔ اس بم کو عام طور پر ’تمام بموں کی ماں‘ کہا جاتا ہے۔

ایرانی جنرل نے خبردار کیا کہ کسی بھی غلط فیصلے کی صورت میں خطے میں جارح قوتوں کے تمام بنیادی ڈھانچے اور توانائی سے متعلق تنصیبات ایرانی میزائلوں کی عملی دسترس میں ہوگی اور ان کی سلامتی براہ راست خطرے میں پڑ جائے گی۔

انہوں نے کہا کہ ایرانی مسلح افواج نے امریکی فوجی دھمکیوں کے جواب میں اپنی میزائل صلاحیتوں اور دفاعی ڈیٹرنس کا مظاہرہ کیا ہے، جس سے ایران کسی بھی جارحیت کا فیصلہ کن جواب دینے کی صلاحیت رکھتا ہے۔

جنرل نقدی نے زور دیا کہ ایران کی طاقت اور کامیابیوں کی بنیاد محض فوجی سازوسامان نہیں، بلکہ ایرانی عوام کی بھرپور شرکت، آمادگی اور مزاحمت ہے۔ ایرانی قوم کی تیاری اور مزاحمت نے دشمن کو زمینی دراندازی سے روکا، جبکہ سمندر میں مخالف جہازوں کو ایک ہزار کلومیٹر پیچھے ہٹنے پر مجبور کیا۔

انہوں نے کہا کہ ٹرمپ کے بیانات واشنگٹن کے ان دعوؤں سے مطابقت نہیں رکھتے جن میں ایران کے خلاف کامیابی حاصل کرنے کی بات کی جاتی ہے۔ اگر کوئی فریق واقعی فتح حاصل کر چکا ہو تو اسے اپنے صبر کا پیمانہ لبریز ہونے کی بات کرنے کی ضرورت نہیں ہوتی

 حجۃ الاسلام والمسلمین حسین طائب نے کہا کہ : "اسرائیلیوں اور امریکیوں کا خیال تھا کہ ہماری قوم کی مزاحمت کمزور پڑ گئی ہے، اور وہ تین روزہ یا چھ ہفتوں پر محیط جنگ کے ذریعے ہماری قوم کو ہتھیار ڈالنے پر مجبور کر سکتے ہیں۔"

 بسیج آرگنائزیشن کے سربراہ نے کہا کہ "یہ اندازے غلط ثابت ہوئے۔ ہماری قوم کمزور نہیں پڑی؛ بلکہ ڈٹی رہی۔ ہماری مسلح افواج ثابت قدم رہیں، اور امریکیوں کو احساس ہو گیا کہ ان کا اندازہ غلط تھا۔"

طائب نے مزید کہاکہ آج صورتحال اس نہج پر پہنچ چکی ہے کہ امریکیوں اور اسرائیلیوں نے اپنی اسٹریٹیجی بدلنے پر مجبور ہوگئے ہیں۔ اب انہوں براہِ راست اور ہمہ گیر جنگ کے بجائے، اپنی پراکسی قوتوں، علاقائی و بین الاقوامی اتحادوں اور معاشی دباؤ کا سہارا لینا شروع کر دیا ہے۔

 انہوں نے کہا کہ امریکہ اور صیہونی اس بات سے غافل رہے کہ آبنائے ہرمز قوتِ مزاحمت کے تناظر میں طاقت کے توازن ایک ذریعہ بن چکا ہے۔ اگر امریکی یہ سمجھتے ہیں کہ وہ پابندیوں اور ناکہ بندی کے ذریعے ہماری قوم کو کمزور کر سکتے ہیں، تو انہیں یہ جان لینا چاہیے کہ موجودہ حالات میں، آبنائے ہرمز کی بندش ایک ایسا اہم عنصر  ہے جو امریکہ اور عالمی معیشت، دونوں کو متاثر کرنے کی طاقت رکھتا ہے۔

-فوج کے ترجمان نے اسلامی جمہوریہ ایران کے خلاف جاری جنگ کے پہلوؤں کا  ذکر کرتے ہوئے کہا: دشمن نے موجودہ جنگ میں ملک کے خلاف ایک کثیر جہتی جنگ شروع کی ہے، جس کا ایک پہلو فوجی ہے جو دیگر پہلوؤں سے زیادہ آشکار اور  قابل مشاہدہ ہے۔

فوج کے ترجمان نے ملک کی فضائی دفاع کی صلاحیت مضبوط کرنے کے لیے کیے گئے اقدامات کے بارے میں کہا: فوج کی فضائی دفاع کی یونٹ اور فضائی دفاع کے ہیڈکوارٹر کے تحت نئے آپریشنل اور سازوسامان کے منصوبے تیار اور نافذ کیے گئے ہیں، جن کا اس فورس کی جنگی صلاحیت کو بہتر کرنے میں قابل توجہ اثر رہا ہے۔

انہوں نے مزید کہا: اسی طرح فضائی دفاع کے شعبے میں ہائیبریڈ اور  نئے آپریشنز تیار کئے ہیں جن کی مشق بھی کی گئ ہے۔  

امیر اکرمی نیا نے یہ بتاتے ہوئے کہ ملک کی فضائی دفاع  میں، جنگ کے دور اور حتی جنگ کے آغاز سے قبل کے مقابلے میں اہم تبدیلیاں رونما ہوئی ہیں، زور دیا: آج ہم نے ملک کی  دفاعی ڈھال کو سازوسامان اور آپریشنل حربوں کے لحاظ سے بہت زیادہ مضبوط کر لیا ہے۔

انہوں نے مزید کہا: آبنائے ہرمز کے مغرب سے خلیج فارس تک کا  علاقہ،  سپاہ پاسداران انقلاب اسلامی کی بحری افواج کے اسٹریٹجک کنٹرول میں ہے اور آبنائے ہرمز کے مشرق، بحیرہ عمان، بحیرہ عرب اور بحر ہند کے شمالی حصے اسلامی جمہوریہ ایران کی فوج کی بحریہ کی نگرانی اور کنٹرول میں ہیں۔

فوج کے ترجمان نے خطے میں امریکی فوجی موجودگی کی صورتحال کا ذکر کرتے ہوئے کہا: امریکی صدر دعوی کرتے ہیں کہ آبنائے ہرمز پر ان کا کنٹرول ہے اور انہوں نے اس آبی گزرگاہ  پر اپنا نام بھی رکھ دیا ہے، لیکن اس ملک کی فوجیں آبنائے ہرمز کے قریب آنے کی جرات نہیں رکھتیں۔

انہوں نے مزید کہا: امریکی بحری جہاز ہمارے ملک کے ساحلوں سے 500 کلومیٹر سے زیادہ دور ہٹنے پر مجبور ہو گئے ہیں اور آج امریکی جنگی جہاز بحیرہ عمان میں بھی نہیں ہیں۔

انہوں نے مزید کہا: اسلامی جمہوریہ ایران کی فوج کی بحری افواج کی باوقار موجودگی اور اطلاعاتی غلبے نے خطے میں امریکی افواج کو ساحلوں اور آبنائے ہرمز کے علاقے کے قریب آنے کی جرات نہیں رہنے دی۔

فوج کے ترجمان نے آبنائے ہرمز سے گزرنے کے بارے میں جہازوں اور تجارتی بحری جہازوں کے مالکان کو خبردار کرتے ہوئے کہا: جہازوں کے مالکان کو معلوم ہونا چاہیے کہ آبنائے ہرمز سے محفوظ گزرگاہ صرف اسلامی جمہوریہ ایران کی مسلح افواج کے ساتھ ہم آہنگی سے ممکن ہے۔

 کچھ گھنٹے قبل، بحریہ کی نگراں یونٹ نے آبنائے ہرمز کے مشرق  میں خلاف ورزی کرنے والے ایک تیل بردار جہاز  شناخت کر لی ہے جس میں آگ لگ گئی تھی۔

خلاف ورزی کرنے والے  اس تیل بردار جہاز نے اپنا ٹریکنگ سسٹم بند کر دیا تھا اور وہ آبنائے ہرمز کے مشرق کے ممنوعہ علاقے سے گزرنے کی کوشش کر رہا تھا۔

اسلامی جمہوریہ ایران کی بحریہ نے زور دیا  ہے کہ آبنائے ہرمز کے ممنوعہ حصے سے گزرنے کے نتائج بحری جہازوں  کے لئے خطرناک ہے۔