سپاہ پاسداران انقلاب اسلامی کے سیاسی امور کے نائب کمانڈر بریگیڈیئر جنرل یدالله جوانی نے ایران اور امریکہ کے درمیان جاری کشیدگی کو فطری اور اسٹریٹجک قرار دیتے ہوئے کہا ہے کہ یہ تنازعہ وقتی یا سطحی نہیں بلکہ دونوں ممالک کے مفادات کے تصادم پر مبنی ہے۔

انہوں نے کہا کہ گزشتہ 46 سالوں میں امریکی حکومت نے بارہا یہ ثابت کیا ہے کہ وہ ایرانی قوم کی مکمل اطاعت کے سوا کسی چیز پر راضی نہیں ہوتی۔  12 روزہ جنگ کے آغاز پر امریکی صدر ڈونلڈ ٹرمپ نے ایران سے غیر مشروط طور پر شکست تسلیم کرنے کا مطالبہ کیا تھا، جس سے امریکہ کی جارحانہ حکمت عملی واضح ہوگئی۔

جنرل جوانی کے مطابق، ایران اس تنازعے کو صرف ایک سیاسی یا سفارتی اختلاف نہیں بلکہ ایک اصولی اور طویل مدتی چیلنج قرار دیتا ہے، جس میں قومی خودمختاری اور اسٹریٹجک مفادات کا تحفظ مرکزی حیثیت رکھتا ہے۔