ایران کے نائب وزیر خارجہ برائے سیاسی امور نے، جو پاکستان کے ساتھ دو طرفہ سیاسی مشاورت کے 13ویں اجلاس میں شرکت کے لیے اسلام آباد میں ہیں، وزیر خارجہ اسحاق ڈار سے ملاقات کی۔
ارنا کے نامہ نگار کے مطابق مجید تخت روانچی نے پاکستان کے نائب وزیراعظم اور وزیر خارجہ سینیٹر محمد اسحاق ڈار سے وزارت خارجہ میں ملاقات اور باہمی دلچسپی کے امور پر تبادلہ خیال کیا۔
اس ملاقات میں پاکستان کی نائب وزیر خارجہ محترمہ آمنہ بلوچ اور اسلام آباد میں ایرانی سفیر رضا امیری مقدم بھی موجود تھے۔
پاکستان کی وزارت خارجہ کے جاری کردہ بیان کے مطابق دونوں ملاقات میں دو طرفہ سیاسی مشاورت، اہم علاقائی صورتحال اور دو طرفہ تعلقات کو مزید مضبوط بنانے کے طریقوں پر تبادلہ خیال کیا۔
ایران کے نائب وزیر خارجہ کا دورہ اسلام آباد ایسے وقت انجام پارہا ہے جب اسلامی جمہوریہ ایران کے وزیر خارجہ سید عباس عراقچی نے گزشتہ ہفتے الگ الگ فون کالز میں پاکستان اور افغانستان کے درمیان جاری کشیدگی پر تشویش کا اظہار کرتے ہوئے کہا تھا کہ تہران دونوں ملکوں کے درمیان کشیدگي کم کرنے میں مدد کے لیے تیار ہے۔
ایران اور پاکستان کے درمیان دوطرفہ سیاسی مشاورت کا بارہواں اجلاس 2023 موسم گرما کے آخر میں تہران میں منعقد ہوا تھا۔
![جناب خدیجہ کبری[س] کی سیرت](/ur/media/k2/items/cache/ef2cbc28bb74bd18fb9aaefb55569150_XS.jpg)
