محرم الحرام سن 1444 ہجری قمری کا چاند پیغمبر اسلام (ص)  کے اہلبیت (ع ) کی کربلا کے میدان میں دین اسلام کو بچانے کے سلسلے میں عظیم قربانی کی یاد لیکر نمودار ہوگیا ہے۔  نبی کریم حضرت محمد مصطفی (ص) کے نواسے کی کربلا کے میدان میں عظیم قربانی کی  یاد اسلامی جمہوریہ ایران  سمیت پورے عالم اسلام میں عقیدت و احترام کے ساتھ منائی جاتی ہے جس میں لوگ بلا تفریق مذہب و ملت شرکت کرتے ہیں۔ 

 ایران میں محرم الحرام کا چاند نظر آ گیا ہے اور آج بروز ہفتہ یکم محرم ہے جبکہ پاکستان اور ہندوستان میں محرم الحرام 1444 ہجری قمری کا چاند نظر نہیں آیا ہے اس لئے پاکستان اور ہندوستان میں  کل 31 جولائی بروز اتوار کو اسلامی کلینڈر کی پہلی تاریخ یعنی یکم محرم ہے اور یوم عاشورا 9 اگست کو ہو گا۔

رپورٹ کے مطابق۔ ایران کے تمام چھوٹے بڑے شہروں میں مختلف مساجد و امام بارگاہوں کو سیاہ پوش کر دیا گیا اور ہر طرف مجالس عزا کا سلسلہ جاری ہے اور پوری فضا یا حسینؑ یا اباالفضلؑ کے نعروں سے گونج رہی ہے۔

محرم الحرام میں ایران، عراق، پاکستان، ہندوستان، یورپ، امریکہ، سعودی عرب، خلیجی ممالک، شام، اردن، ترکی اور دیگر ممالک میں مؤمنین مذہبی جوش و جذبہ اور عقیدت کے ساتھ عزاداری میں حصہ لیتے ہیں۔

 روسی خبر رساں ادارے اسپوٹنگ کے نامہ نگار نے رپورٹ دی ہے کہ آج بدھ کے روز علی الصبح شام کے صوبہ الحسکہ میں موجود امریکہ کا سب سے بڑا فوجی بیس کیمپ متعدد شدید دھماکوں سے لرز اٹھا۔

رپورٹ کے مطابق دھماکوں کے بعد امریکی اتحاد کے ہیلی کاپٹروں نے علاقے کی فضائی حدود میں وسیع پیمانے پر پروازیں شروع کردیں۔

مقامی ذرائع کے اعلان کے مطابق یہ دھماکے آج علی الصبح تیل سے مالا مال شہر الشدادی کے شمالی اور مغربی مضافات میں ہوئے جہاں پر صوبہ الحسکہ میں امریکی افواج کا سب سے بڑا فوجی بیس کیمپ ہے۔ امریکی افواج اس بیس کیمپ کو تیل کے اخراج کو کنٹرول کرنے اور البتہ شام کا تیل چوری کرنے کے لئے استعمال کرتے ہیں۔ 

اس رپورٹ کے مطابق دھماکوں کے بعد آگ کے شعلے آسمان کی جانب اٹھے جس کے متعلق قوی امکان ہے کہ اس فوجی بیس کیمپ پر میزائل حملے کا نتیجہ تھے۔

قابل ذکر ہے کہ حالیہ دنوں میں امریکی افواج نے صوبہ الحسکہ میں اپنے غیر قانونی بیس کیمپ کی سیکورٹی کو مزید مضبوط کیا تھا۔ شامی ذرائع نے علاقے میں مزید دو امریکی فوجی دستوں کی آمد کی خبری دی تھی۔ 

حالیہ دنوں میں مقامی ذرائع نے امریکی افواج کی صوبہ الحسکہ کے شمال مغربی علاقوں فوجی مشقیں بڑھانے کی خبر دی تھی۔ ان علاقوں میں امریکی افواج کے علاوہ کرد ڈیموکریٹک فورسز ﴿قسد﴾ کے کمانڈ بیس بھی موجود ہیں۔

مہر خبررساں ایجنسی کی رپورٹ کے مطابق، رہبر انقلاب اسلامی آیت اللہ العظمی سید علی خامنہ ای نے ملک بھر کے آئمہ جمعہ و جماعات سے خطاب کرتے ہوئے فرمایا کہ ایران اسلامی نے دین و سیاست کی جدائی کے نظریے کو جو مغربی تمدن کی شناخت کا مرکزی نقطہ تھا، باطل کر دیا ہے اور یہ اسلامی جمہوریہ ایران کا سب سے بڑا کارنامہ ہے۔

رہبرانقلاب اسلامی آیت اللہ العظمی سید علی خامنہ ای نے فرمایا کہ ایران نے اسلامی جمہوریت کے نعرے کو نہ صرف زندہ رکھا ہے بلکہ وہ اپنی ترقی و پیشرفت کی منزلیں طے کرکے، دین و سیاست کو ناسازگار بناکر پیش کرنے کی طویل مغربی کوششوں کے سامنے مضبوط رکاوٹ بن گیا ہے۔ 

آپ نے امریکہ کو صیہونیوں اور سرمایہ دارانہ نظام کا شوکیس قرار دیتے ہوئے فرمایا کہ مغربی طاقتوں کی مافیا جس میں صیہونی اور صیہونی سرمایہ دار سر فہرست ہیں، جھنجھلاہٹ کا شکار ہیں اور اسلامی جمہوریہ نظام پر ضربیں لگانے کی مسلسل ناکام کوشش کر رہے ہیں۔انہوں نے حالیہ دنوں میں عید غدیرخم کے تہوار میں مختلف فرقوں اور طبقوں سے کروڑوں افراد کی شرکت کو ایک عجیب و غریب واقعہ قرار دیا اور فرمایا کہ اس جشن میں ہر قسم کے لوگ موجود تھے اور سب ظاہری اختلافات کے باوجود دین کے حامی ہیں۔

انہوں نے مزید بتایا کہ ایران کے عظیم کام کو مغربی تہذیب کے تشخص کا مرکزی نقطہ یعنی(سیاست کو دین سے الگ کرنا) کو باطل کرنا قراردیتے ہوئے کہا کہ ایران نے دین کے نعرے کے ساتھ نہ صرف اپنے آپ کو محفوظ رکھا بلکہ اس نے ایران کی ترقی کے ساتھ دین اور سیاست کو متضاد ظاہر کرنے کے لیے مغرب کی طویل المدتی کوششوں کو ناکام بنادیا۔ اسی لیے مغربی طاقتوں کا مافیا جس کی سربراہی صیہونیوں اور ان کے سرمایہ داروں کے ہاتھ میں ہے اور امریکہ ان کا شوکیس ہے۔ اس حقیقت پر غصے میں ہیں اور ہمیشہ اسلامی جمہوریہ ایران پر ضربہ لگانے کی مسلسل منصوبہ بندی کر رہے ہیں۔

انہوں نے ایک سوال اٹھایا کہ کیوں امریکہ اور برطانیہ کے سرکاری میڈیا بیک وقت حجاب کے بہانے سے خواتین کے موضوع پر حملہ آور ہوتے ہیں؟ اور کیا مغرب حقیقی طور پر ایرانی خواتین کے حقوق کا مدافع ہے؟ مغرب اگر حتی پانی کو ایرانی عوام پر ممنوع کر سکتا تھا، کرتا تھا۔ جیسا کہ اس نے ایپی ڈرمولیس بلوسا کا شکار ایرانی بچوں کیلئے دوا پر پابندی عائد کی ہے، اب مغرب ایرانی خواتین کے خیرخواہ ہیں؟

آیت اللہ خامنہ ای نے بتایا کہ مغرب بہت سالوں سے کہتا ہے کہ جب تک عورت اخلاقی اور مذہبی اقدار سے آزاد نہ ہوجائے تب تک وہ ترقی نہیں کر سکتی اور اعلیٰ سائنسی، سیاسی اور سماجی درجے پر نہیں پہنچ سکتی ہے۔ لیکن ایرانی خواتین نے گزشتہ 40 سالوں میں اپنے اسلامی حجاب کے ساتھ سائنسی ، سماجی، کھیلوں، سیاسی، انتظامی، معاشی اور ثقافتی میدانوں میں کامیابیاں حاصل کیں ہیں۔

سحر نیوز/ عالم ا سلام: واضح رہے کہ پیر کے روز حزب اللہ لبنان کے سکریٹری جنرل سید حسن نصر اللہ نے کاریش آئل اور گیس فیلڈ پر اسرائیل کے قبضے کے حوالے سے خبردار کرتے ہوئے کہا تھا کہ اس بارے میں  حزب اللہ کا رد عمل، اسرائیل اور امریکا کے رویہ پر منحصر ہوگا۔

انہوں نے کہا تھا کہ حزب اللہ، اس آئل فیلڈ سے اسرائیلا کو تیل نکالنے سے روکنے کے لئے ہر قیمت چکانے کو  تیار ہے۔

المیادین ٹی وی کی رپورٹ کے مطابق اس چینل سے گفتگو کرتے ہوئے سید حسن نصر اللہ کا کہنا تھا کہ صرف کاریش ہی نہیں بلکہ ہر فیلڈ تک حزب  اللہ کی رسائی ہے اور اسرائیل میں کوئی ایسا نکتہ نہیں ہے جو اسلامی مزاحمتی گروہوں کے گائیڈیڈ میزائلوں کی رینج میں نہ ہو۔

حزب اللہ کے سکریٹری جنرل کے انتباہ پر رد عمل ظاہر کرتے ہوئے اسرائیلی فوج کے جنرل عاموس گلعاد کا کہنا تھا کہ سید حسن نصر اللہ کی دھمکیوں کو سنجیدگی سے لینے کی ضرورت ہے اور اس کے لئے ہمیں تیار رہنا ہوگا۔

ایران کے ادارۂ ایٹمی توانائی کے سربراہ محمد اسلامی نے اقوام متحدہ کی ایٹمی ایجنسی آئی اے ای اے کے سربراہ رافائل گروسی کے حالیہ بیان پر ردعمل دیتے ہوئے کہا کہ 2015 کو ہوئے ایٹمی معاہدہ کی بحالی تک ایرانی ایٹمی تنصیبات میں لگے اقوام متحدہ  کے ایٹمی نگراں ادارے کے کیمرے بند رہیں گے، ایران پر الزامات کا سلسلہ بند ہونا چاہیے، اگر الزامات کا یہ سلسلہ جاری رہا تو ان کیمروں کی ضرورت ختم ہوجائے گی۔

اس سے قبل اقوام متحدہ کے ایٹمی توانائی کے نگران ادارے کے سربراہ  نے  جون میں یو این کو خبردار کیا تھا کہ 27 نگرانی کرنے والے کیمرے ایجنسی کے بورڈ آف گورنر میں مغربی ممالک کی طرف سے پیش کردہ قرارداد کے بعد اتارے جا رہے ہیں۔

محمد اسلامی نے ایران کے ایٹمی پروگرام کے حوالے سے اعتراضات پر بات کرتے ہوئے کہا کہ تہران نے کبھی بھی آئی اے ای اے کی طرف سے بنائے  گئے طریقہ کار کی مخالفت کرتے ہوئے یورینیم کی افزودگی نہیں کی اور یہ الزامات بے بنیاد ہیں۔

اس سے  پہلے ایران کی وزارت خارجہ  کے ترجمان ناصر کنعانی نے گروسی  کے بیان پر ردعمل میں کہا تھا کہ اسلامی جمہوریہ ایران آئی اے ای اے اور این پی ٹی کا کئی برسوں سے رکن ہے اور اس نے بین الاقوامی ایجنسی کے نمائندوں کو اپنی تنصیبات کا معائنہ کرنے کی اجازت دی ہے لیکن افسوس کے ساتھ کہنا پڑتا ہے کہ ادارے کے سربراہ رافائل گروسی نے ایرانی ایٹمی پروگرام کے حوالے سے جانب داری کا مظاہرہ کیا ہے۔

المیادین ٹیلی ویژن چینل سے کل رات گفتگو کرتے ہوئے لبنان کی عوامی اور انقلابی تحریک حزب اللہ کے سیکریٹری جنرل سید حسن نصرالله نے کہا کہ تموز کی جنگ سے لے کر آج تک اسرائیل کو معلوم ہو چکا ہے کہ لبنان کے خلاف ہر قسم کے جارحانہ اقدام کا اسے جواب ملا ہے۔

سید حسن نصرالله نے کہا کہ قدس کی غاصب اور جابر صیہونی حکومت نے 1985 میں بعض مقبوضہ علاقوں سے پسپائی اختیار کی۔ انہوں نے کہا کہ دشمن نے فلسطین میں استقامتی جوانوں کے داخلے کو روکنے کیلئے سرحدی پٹی پر سکیورٹی زون بنا کر اپنی شکست کا سامان فراہم کیا اور پھر 1993 سے 1996 تک اسے کئی بار شکست کا مزہ چھکنا پڑا۔

سید حسن نصرالله نے کہا کہ صیہونی دشمن کے خلاف  استقامتی جوانوں کی شہادت پسندانہ کارروائیاں شروع ہوئیں اور انہوں نے اسرائیل کو گھٹنے ٹیکنے پر مجبور کیا اور 2006 کے بعد دشمن نے لبنان کے خلاف کسی بھی قسم کی جارحیت کرنے کی جرأت نہیں کی۔

، حجۃ الاسلام والمسلمین حسینی قمی نے حرم حضرت فاطمہ معصومہ سلام اللہ علیہا میں موجود شبستان حضرت امام خمینی (رہ) میں خطاب کے دوران کہا: بہت سے معاملات میں جب ہم حضرت علی علیہ السلام کی ولایت کی بات کرتے ہیں تو اس سے متعلق آیات و روایات کا ہم جائزہ لیتے ہیں لیکن ایک عالم شخص نے تحقیق کر کے اس نکتے کو ایک دوسرے طریقے سے ثابت کیا ہے، جس کے بہت سے دلچسپ نکات ہیں۔

انہوں نے مزید کہا: علامہ "قاضی کراجکی" جو کہ شیخ مفید کے شاگردوں میں سے ہیں اور جو تقریباً ایک ہزار سال پہلے زندہ رہے اور اسّی سے زیادہ کتابیں تحریر کی ہیں۔ ان کی ولایت کے موضوع پر "التعجب" نامی ایک کتاب ہے جس کا فارسی میں ترجمہ بھی کیا گیا ہے۔

حوزہ علمیہ کے اس استاد نے کہا: ولایت کے بارے میں علامہ کراجکی کی گفتگو خاص طور پر نوجوانوں کے لیے بہت موزوں ہے اور انہوں نے آیات و روایات سے ہٹ کر موضوعِ ولایت کا ایک اور انداز سے جائزہ لیا ہے اور اپنے مخاطب سے مختلف سوالات پوچھے ہیں۔

حجۃ الاسلام والمسلمین حسینی قمی نے تاکید کرتے ہوئے کہا: ولایت کا انکار کرنے والوں کو اس کتاب میں اٹھائے گئے سوالات کا جواب دینا چاہیے۔

انہوں نے کہا: اس کتاب کے مندرجات کے مطابق پیغمبر اسلام صلی اللہ علیہ وآلہ وسلم نے اپنی بابرکت زندگی میں کھانے پینے، سونے، حفظانِ صحت وغیرہ کے آداب کے بارے میں بھی بہت سے امور کو بیان کیا ہے، تو آیا کیا انسانی عقل اس چیز کو قبول کرتا ہے کہ پیغمبر اسلام صلی اللہ علیہ وآلہ وسلم ان زندگی کے آداب و امور کو تو بیان کریں لیکن اپنے بعد حکومتی نظم و نسق کو بیان نہ کیا ہو اور خدانخواستہ رسول خدا صلی اللہ علیہ وآلہ وسلم اس اہم مسئلہ کو بھول گئے ہوں؟!

حجۃ الاسلام والمسلمین حسینی قمی نے مزید کہا: اس کتاب میں ایک اور سوال اٹھایا گیا ہے کہ قرآن اور مذہب کے مطابق وصیت کرنا ضروری اور واجب ہے، تو کیا انسانی ذہن اس بات پر یقین رکھتا ہے کہ نبی اکرم صلی اللہ علیہ وآلہ وسلم اپنی قوم کے لیے تو وصیت کو واجب کہیں لیکن وہ خود وصیت کرنا بھول گئے ہوں؟

حرم مطہر کے خطیب نے مزید کہا: تاریخ اسلام کے مطابق جب نبی مکرم صلی اللہ علیہ وآلہ وسلم دو دن کے لیے بھی مدینہ سے باہر جانا چاہتے تھے تو اپنے جانشین کا انتخاب کیا کرتے تھے، تو کیا یہ بات پیغمبر اکرم صلی اللہ علیہ وآلہ وسلم کے لیے مناسب ہے کہ وہ چند دنوں کے سفر کےلئے تو اپنے جانشین کا انتخاب کریں لیکن اپنے ابدی سفر کے لیے جانشین مقرر نہ کریں؟!

انہوں نے کہا: جب رسول اکرم صلی اللہ علیہ وآلہ وسلم نے مدینہ میں حکومت قائم کی تو آپ نے بہت سے کمانڈر مقرر کیے، کیا یہ یقین کیا جا سکتا ہے کہ تمام فوجی کمانڈرز اور مختلف شہروں کے گورنرز تو پیغمبر خدا صلی اللہ علیہ وآلہ وسلم خود مقرر کرتے ہوں لیکن امت اسلامی کی سرپرستی جیسے سب سے اہم مسئلہ میں کسی شخص کو مقرر نہ کیا ہو اور اسے امت پر ہی چھوڑ دیا ہو؟!

حجۃ الاسلام والمسلمین حسینی قمی نے دعوتِ فکر دیتے ہوئے کہا: اگر ہم یہ مان لیں کہ پیغمبر خدا صلی اللہ علیہ وآلہ وسلم نے کسی شخص کو اپنا جانشین منتخب نہیں کیا اور اس کا انتخاب امت پر چھوڑ دیا اور ساری امت بھی خلیفۂ اول کے انتخاب پر متفق ہوئی تو اس وقت آیا دوسرے خلیفہ کے انتخاب میں بھی عوام کی مرضی کو مدِنظر رکھا گیا یا انہیں خلیفۂ اول نے منتخب کیا؟ تو پھر یہاں انتخاب کا معیار کیوں تبدیل کیا گیا؟ اگر خلیفہ اول کو دوسرا خلیفہ مقرر کرنے کا حق تھا تو خدا کے نبی صلی اللہ علیہ وآلہ وسلم کو یہ حق کیوں نہیں حاصل تھا؟!

حرمِ حضرت معصومہ سلام اللہ علیہا کے خطیب نے کہا: مذکورہ بالا تمام سوالات کے ساتھ دیگر سوالات بھی اس کتاب میں اٹھائے گئے ہیں جن کا جواب ان لوگوں کو دینا چاہیے جو حضرت علی علیہ السلام کی جانشینی کا انکار کرتے ہیں۔

حوزہ/ حجۃ الاسلام والمسلمین آغا سید حسن الموسوی الصفوی نے بتایا کہ اسلام میں مسئلہ تحکیم اور اصلاح بین الناس کی ضرورت و اہمیت قرآن و احادیث میں نہایت واضح ہےمگر یہ بہت کٹھن اور دشوار گزار منزل ہے کیونکہ ہمیں ملکی قانون کو بھی مد نظر رکھنا ہوتا ہے اور شرعی احکام کی پاسداری بھی کرنی ہوتی ہے۔

مہر خبر رساں ایجنسی کی رپورٹ کے مطابق سپاہ پاسداران کی فضائی افواج کے سربراہ جنرل امیر علی حاجی زادہ نے کہا کہ غزہ ڈرون ہماری فضائیہ کے ہزاروں منصوبوں میں سے ایک ہے جبکہ آپ اس میدان میں دشمن کے تجزیات دیکھیں اور ان کے بیانات کو ملاحظہ کریں، کہ امریکی ڈرون ٹکنالوجی کے چھوٹے سے شعبے کے متعلق کہتے ہیں کہ اس شعبے میں ۸۰ سال کے بعد ان کی فضائی برتری کو ختم کردیا ہے۔ 

انہوں نے کہا کہ دشمن کے بقول فضائیہ کا شعبہ اور ڈرون اور میزائل طاقت جوہری معاملے سے بھی زیادہ اہم مسئلہ ہے۔ البتہ انہیں معلوم ہونا چاہئے کہ دفاعی نظام میں بھی یہی سلسلہ ہے اور اللہ تعالیٰ کے لطف و کرم سے ہم تمام شعبوں میں طاقتور ہوچکے ہیں۔

سپاہ پاسداران کے سربراہ نے مزید کہا کہ یہ جو دشمن اس صلاحیت کا اقرار کر رہا ہے مسئلے کی گہرائی کو سمجھیں اور الحمد للہ آج ہمارے ملک، مسلح افواج اور سپاہ نے قابل قدر مقام اور حقیقی برتری حاصل کرلی ہے جبکہ دشمن بھی اعتراف کررہا ہے کہ زیادہ سے زیادہ دباو کی پالیسی ذلت آمیز شکست کھا چکی ہے اور مفلوج کنندہ پابندیاں بھی ناکام ہوچکی ہیں اور یہ مشکلات جو امریکہ کے دامنگیر ہیں، ایران کی وجہ سے ہیں۔

خطے کے بعض ممالک کا صہیونی رجیم کے ساتھ تعلقات کی بحالی کے حوالے سے جنرل حاجی زادہ کا کہنا تھا کہ کچھ ملک صہیونی رجیم کی پناہ میں جا رہے ہیں جبکہ یہ رجیم کینسر کا ایک غدہ ہے اور یہ لوگ ارادی یا غیر ارادی طور پر کینسر کے غدے کو اپنے ملک میں منتقل کر رہے ہیں۔ اگر انہوں نے پرہیز نہ کی تو صہیونی رجیم ان کی کوئی مدد نہیں کرے گی بلکہ یہ کینسر کا غدہ ان کے لئے بھی وبال جان بن جائے گا اور جلد یا بدیر یہ بنیادی مشکلات کا شکار ہوجائیں گے، تاہم ہم مطلق خاموشی کے ساتھ اس عمل کا جائزہ لے رہے ہیں۔ 

انہوں نے ڈرون طاقت میں اضافے کے حوالے سے رہبر انقلاب اسلامی کی ہدایات کے متعلق کہا کہ ڈرون طاقت ایک نئی اور نوزائیدہ طاقت ہے اور اس کی مختلف شاخیں ہیں اور اس کے بہت سے شعبے ایرانی ایجاد ہیں۔ 

سپاہ پاسدارن کی فضائیہ کے سربراہ نے مزید کہا کہ زمین سے ہوا میں مار کرنے والے ڈرون بیسڈ دفاعی میزائل ایرانی ایجاد ہیں اور اس طرح کی چیزیں بہت زیادہ ہیں۔ ہمیں کہنا پڑے گا کہ چاہے دفاعی شعبے میں میزائلوں کی ایکوریسی اور صحیح نشانے پر بیٹھنا ہو یا ہماری ریڈار اور ڈرون کے شعبے میں کامیابیاں ہوں سب کچھ رہبر معظم انقلاب کی ہدایات اور تدابیر کے مکمل طور پر عملی بنانے کے مرہون منت ہے۔

انہوں نے مزید کہا کہ اگر آج دشمن اس طاقت سے پریشان ہیں اور مذاکرات کی دعوت دیتے ہیں، ایران کو محدود کرنے کے لئے کوئی قانون پاس کرنے کے پیچھے لگے ہوئے ہیں، یہ سب کچھ ان تدابیر کو عملی بنانے کا نتیجہ ہے اور الحمد للہ آج ہم دوسروں سے کئی درجہ اوپر طاقت کے مالک ہیں۔ 
سپاہ پاسداران کی فضائیہ کے سربراہ نے سیٹلائیٹ نور کی صورتحال کے بارے میں بھی بتایا کہ جو ۵۰۰ کلومیٹر سے زائد کی بلندی پر موجود ہے اور اعلان کیا کہ رواں سال نیا خلائی سیٹلائٹ راکٹ قائم بھی خلا میں بھیجیں گے۔