وائس آف شہداء ، سنی اتحاد کونسل اور مجلس وحدت مسلمین پاکستان کے تحت پارلیمنٹ ہاؤس کے باہر ڈی چوک پر منعقدہ قومی امن کنونشن سے خطاب کرتے ہوئے پشاور میں طالبان کی دہشت گردی کا شکار ہونے والے آل سینٹس چرچ کے پادری اعجاز گل نے کہا ہے کہ ہم ہمیشہ امن کی بات کرتے ہیں کیونکہ اس ملک کو بنانے میں ہمارے بزرگوں نے بھی اہم کردار ادا کیا، پاکستان کے کسی بھی میں دیکھا جائے تو مسیحی برادری ہمیشہ ملک کی خدمت میں پیش رہی ہے، یہ ہمارا ملک ہے اور ہم اس ہی مٹی سے جنم لیا ہے، گو کہ ہم مذہبی طور پر اقلیت ہیں لیکن میں کہنا چاہتا ہوں کہ ہم اس بھی اس ملک میں اتنا ہی حق رکھتے ہیں کہ جتنا ہمارے مسلمان بھائی رکھتے ہیں۔ انہوں نے کہا کہ ہم چاہتے ہیں کہ اس ملک میں امن کا فروغ ہو، لہٰذا ہم سب کو اس ملک کی ترقی کیلئے کام کرنا ہے۔ آج اس پلیٹ فارم سے میں تہہ دل سے شکر گزار ہوں مجلس وحدت مسلمین پاکستان اور سنی اتحاد کونسل کا کہ جنہوں نے ہمیں موقع دیا کہ ہم اپنی مسیحی برادری کی آواز آپ تک پہنچا سکیں،ہم ہمیشہ اس ملک کی ترقی کیلئے قربانیاں دیتے آئے ہیں اور آئندہ بھی دیں گے۔ پادری اعجاز گل کا مزید کہنا تھا کہ طالبان نے میرے چرچ پر حملہ کیا لیکن پاکستان کے شیعہ و سنی مسلمانوں نے جس طرح ہمارا ساتھ دیا میں دل سے ان کا شکرگزار ہوں، یہ ہمارا ملک ہے ہم اس سے بھاگ کر نہیں جائیں گے، دہشت گرد چاہے کتنی ہی کوششیں کرلیں ہم اس ملک کی ترقی کیلئے ہر وقت اپنی تمام توانائیاں صرف کریں گے ۔

وائس آف شہداء ، سنی اتحاد کونسل اور مجلس وحدت مسلمین پاکستان کے تحت پارلیمنٹ ہاؤس کے باہر ڈی چوک منعقدہ قومی امن کنونشن سے خطاب کرتے ہوئے سکھ رہنما اور بانی ممبر پاکستان کونسل آف ورلڈ ریلیجنز سردار چرنجیت سنگھ ساگر نے کہا ہے کہ قومی امن کنونشن پاکستان میں اتحاد بین المذاہب کی اچھی کوشش ہے جس پر مجلس وحدت مسلمین اور سنی اتحاد کونسل کی قیادت مبارک باد کی مستحق ہیں، یہ ہم کا مشترکہ مشن ہے کہ جس کی آرزو پاکستان کا ہر شہری رکھتا ہے، یہ ایسا مشن ہے کہ جس کیلئے جدوجہد کرنا ہر ایک کا اخلاقی اور دینی فرض ہے، اگر سکھوں کے مقدس پیشوا گرونانک صاحب سے پوچھیں تو وہ کہتے ہیں کہ اے دنیا کے لوگوں اس اللہ کا احترام کرو کیونکہ وہ ایک نور ہے اور نور سے ہی اس پوری دنیا کی خلقت ہوئی ہے، علامہ راجہ ناصر عباس جعفری اور صاحبزادہ حامد رضا نے میری خواہش پوری کی ہے، میری ہمیشہ سے خواہش تھی کہ اتحاد بین المذاہب کی باتیں بند کمروں میں نہ ہوں بلکہ گلیوں کوچوں میں وحدت کے اس پیغام کو عام کیا جائے، اور ان حضرات کی یہ کاوش لائق تحسین ہے، علامہ راجہ ناصر عباس جعفری اور صاحبزادہ حامد رضا نے پاکستان کو بچانے کی جس تحریک کا آغاز کیا ہے پاکستان کا ہر سکھ اس مشن میں ان کے ساتھ ہے۔

بعض شرپسند عناصرنے سویڈن کے شہراسٹاک ہوم کی ایک مسجد کے دروازوں اوردیواروں پرنازیوں کی علامت بنائی ہیں۔

سویڈن کی پولیس نے اعلان کیا ہے کہ اس نے اس اسلام مخالف اقدام میں ملوث عناصرکوتلاش کرنے کے لیے اپنی تحقیقات کا آغازکردیا ہے۔

اسٹاک ہوم کی اس مسجد کےعہدیداروں نے کہا ہے کہ شرپسند عناصرکی جانب سے ہردومہینوں کے دوران دھمکی آمیز ایمیلز اورایس ایم ایس موصول ہوتے ہیں۔

قابل ذکرہے کہ سویڈن کی کل آبادی نوے لاکھ ہے جن میں تقریبا پانچ لاکھ مسلمان ہیں۔

یادرہے کہ سویڈن میں مہاجرین کے مخالف گروپوں نے ان دنوں اس ملک میں اسلام مخالف سرگرمیوں میں اضافہ کررکھا ہے۔

۲۰۱۱ء میں شدت پسند عیسائی" اینڈرس برویک" نے مسلمانوں کے خلاف ایک دہشتگردانہ حملہ کیا تھا جس میں بہت سے سویڈنی شہری مارے گئے تھے۔

یادرہے کہ ۲۲دسمبرکو تقریبا سولہ ہزارسویڈنی شہریوں نے اسٹاک ہوم کے نواح میں نسل پرستی کے خلاف مظاہرہ کیا تھا۔

امریکی وزیر خارجہ جان کیری نے صیہونی حکومت اور فلسطینی انتظامیہ کے درمیان ساز باز مذاکرات کے بے نتیجہ رہنے کا اعتراف کیا ہے۔ جان کیری نے ہفتے کے روز رام اللہ میں فلسطینی انتظامیہ کے اعلی مذاکرات کار صائب عریقات کے ساتھ ایک مشترکہ پریس کانفرنس میں کہا کہ ابھی تک فلسطینی اور اسرائیلی فریق مذاکرات کے بارے میں ابتدائي اتفاق رائے تک نہیں پہنچے ہیں۔ اعلی فلسطینی مذاکرات کار صائب عریقات نے بھی اس پریس کانفرنس میں کہا کہ ابھی ساز باز مذاکرات کے راستے میں بڑی رکاوٹیں موجود جنہیں ہٹایا جانا ضروری ہے۔

فلسطینی انتظامیہ کے ترجمان نبیل ابو ردینہ نے کہا ہے کہ فلسطینی انتظامیہ کے سربراہ محمود عباس نے امریکی وزیر خارجہ جان کیری کے ساتھ ملاقات میں مسئلہ فلسطین کے حل کے لیے کسی بھی جزئی اور مرحلہ وار راہ حل کو مسترد کیا ہے۔ انہوں نے کہا کہ محمود عباس نے اس ملاقات میں قدس دارالحکومت کے ساتھ آزاد فلسطینی ریاست کے قیام پر زور دیا ہے اور صیہونی کالونیوں کی تعمیر کے غیرقانونی ہونے کے ساتھ ساتھ تمام فلسطینی قیدیوں کی رہائی پر زور دیا ہے۔اس موضوع پر عالمی امور کے تجزیہ نگار راشد احد کا کہنا ہے۔ انٹرویو سننے کیلئے کلک کیجئے۔

جان کیری نے ہفتے کے روز گزشتہ دو روز کے دوران دوسری بار فلسطینی انتظامیہ کے سربراہ محمود عباس سے ساز باز مذاکرات کے بارے میں بات چیت کی ہے۔ فلسطینی انتظامیہ اور صیہونی حکومت کے درمیان ساز باز مذاکرات صیہونی کالونیوں کی تعمیر کی وجہ سے کئي سال منقطع رہنے کے بعد امریکہ کی ثالثی سے جولائی دو ہزار تیرہ میں دوبارہ شروع ہوئے تھے۔

ان مذاکرات کے بے نتیجہ رہنے کا اعلان ایسے وقت میں کیا جا رہا ہے کہ جب امریکہ نے حالیہ مہینوں کے دوران ان مذاکرات میں پیشرفت کے سلسلے میں وسیع پیمانے پر پروپیگنڈا کیا تھا۔

لیکن وقت گزرنے کے ساتھ ساتھ امریکی پروپیگنڈے کا پول کھل گیا اور ظاہر ہو گیا کہ امریکہ کی نئی سرگرمیوں سے نہ صرف ساز باز مذاکرات تعطل سے نہیں نکل سکے بلکہ امریکہ خاص طور پر جان کیری کی جانب سے صیہونی حکومت کی بڑھتی ہوئی جانبداری اور حمایت پر فلسطینیوں نے سخت اعتراضات کیے ہیں۔

واضح رہے کہ ان اعتراضات کا دائرہ فلسطینی انتظامیہ تک بھی پھیل گيا ہے اور محمود عباس کی جانب سے جان کیری کی بعض تجاویز کی مخالفت کا بھی اسی تناظر میں جائزہ لیا جا سکتا ہے۔ بلاشبہ امریکی اس مرتبہ اپنے اقدامات کے ذریعے بحران فلسطین کو صیہونی حکومت کے حق میں ختم کرنا چاہتے ہیں۔ امریکی تجاویز میں آزاد فلسطینی ریاست کے لیے جو شرائط رکھی گئی ہیں ان سے ظاہر ہوتا ہے کہ وہ عملی طور پر ایک آزاد فلسطینی ریاست کا قیام نہیں چاہتے اور یہ تجاویز ایک آزاد ریاست سے میل نہیں کھاتی ہیں۔ جس کی وجہ سے فلسطینی ان تجاویز کی سخت مخالفت کر رہے ہیں۔

تجزیہ نگارراشد احد کے خیال میں امریکہ کی جانب سے صیہونی حکومت کی وسیع پیمانے پر حمایت اور اس حکومت کو جدید ترین ہتھیاروں سے لیس کرنا علاقے میں اس ناجائز حکومت کی جارحانہ اور توسیع پسندانہ پالیسیوں کے جاری رہنے میں اہم کردار کا حامل ہے اور یہ متضاد پالیسی کبھی بھی فلسطینی عوام اور گروہوں کی نظروں سے پوشیدہ نہیں رہی ہےاور اس کی حماس اور جہاد اسلامی نے ہر سطح پر مخالفت کی۔ یہی وجہ ہے کہ عالمی رائے عامہ کا کہنا ہے کہ امریکہ کی جانب سے اسرائیل کی ھمہ جانبہ حمایت سے جہاں اسرائیل ، فلسطین قضیئے میں امریکہ غیر جانبدار نہیں رہا اورفلسطینی رہنما وں کا اعتماد امریکہ سے اٹھ گیا ہے۔ وہیں اسرائیل حد سے زیادہ گستاخ ہو گیا اور امریکہ کے فوجی ماہرین کی موجودگی میں اسرائیل نے سازشی مذاکرات کے موقع پر جمعہ کے روز جدید میزائل سسٹم ایرو 3 کا دوسری بار مشترکہ طور پر بحیرہ روم کی فضا میں تجربہ کیا اس میزائل سسٹم کا گزشتہ سال فروری میں کیا جانے والا پہلا تجربہ صیہونی اور امریکی حکام کی توقعات پر پورا نہیں اتر سکا تھا۔جبکہ فلسطینی حکام کے ساتھ امریکی وزیرخارجہ کے نئے دور کے مذاکرات کے آغاز کے ساتھ ہی فلسطینی علاقوں میں صیہونی کالونیوں کی تعمیر میں توسیع کا اعلان اور اس میزائل سسٹم کا تجربہ اس بات کی عکاسی کرتا ہے کہ صیہونی حکومت حتی فلسطینی فریق کے ساتھ مذاکرات کے دوران بھی اشتعال انگیز اقدامات سے گریز نہیں کرتی رہی اور یہ تمام عوامل سازشی مذاکرات کی شکست کا باعث بنے ۔

چین کے سرکاری میڈیا کے مطابق ایک مسجد میں بھگدڑ مچنے سے کم سے کم 14 افراد جاں بحق ہوگئے ہیں۔

بھگدڑ کا یہ واقعہ چین کے شمال مغربی علاقے ننگزيا میں پیش آیا۔ واقعے میں کم سے کم دس افراد شدید زحمی ہوئے ہیں۔ زخمیوں میں چار کی حالت نازک بتائی جا رہی ہے۔یہ واقعہ اتوار کو اس وقت پیش آیا جب مسجد میں ایک اجتماع کے دوران روایتی لنگر تقسیم کیا جا رہا تھا۔

مقامی انتظامیہ نے کہا ہے کہ اس واقعے کی وجوہات معلوم کرنے کے لیے تحقیقات کی جا رہی ہیں۔جس علاقے میں بھگدڑ کا وقعہ پیش آیا ہے اس قصبے کا نام ضجی بتایا گیا ہے اور یہ گویوان شہر سے ساٹھ کلومیٹر کے فاصلے پر واقع ہے۔

مسجد کبود ایروان یا مسجد جامع ایروان ،ارمنستان کے دارالخلافہ، ایروان شہر کے مرکز میں واقع ہے۔

قدیم ایروان ﴿ عظیم ایران کے زمانہ میں﴾ میں ۸ مسجدیں تھیں کہ اس وقت ان میں سے صرف مسجد جامع کبود ایروان باقی بچی ہے۔

ارمنستان پر کمیونسٹوں کی حکمرانی کے دوران ایک مدت تک اس مسجد سے ارمنستان کے تاریخی میوزیم کے عنوان سے استفادہ کیا گیا اور اسی وجہ سے یہ مسجد منہدم ھونے سے بچ گئی ہے۔ سویت یونین کے زوال کے بعد یہ مسجد پھر سے فعال ھوئی ہے۔

اس مسجد میں دینی فرائض انجام دینے کے علاوہ ثقافتی سرگرمیاں بھی عمل میں لائی جاتی ہیں، جن میں ارمنستان کے باشندوں میں فارسی زبان کے شائقین کو فارسی زبان سکھانا بھی شامل ہے۔

١۹۹٦سے ۲۰۰۰ء تک اسلامی جمہوریہ ایران کے بنیاد مستضعفان و جانبازان نے ایرانی معماروں کے ذریعہ اس مسجد کی مرمت کی اور اسے ایک نئی صورت بخشی ہے۔

مدینہ منورہ کے پرنس محمد بن زید عبدالعزیز ایئرپورٹ پر طیارے نے ہنگامی لینڈنگ کی ، جس سے طیارے کے پچھلے حصے کو نقصان پہنچا ہے۔طیارے میں سوار 29 مسافر زخمی ہوگئے ہیں ، ایوی ایشن حکام کے مطابق ایرانی شہر مشہد جانے والے سعودی طیارے میں 315 مسافر سوار تھے ۔

جنوبی سوڈان میں پرتشدد جھڑپوں میں اضافے کے ساتھ ہی اس ملک کے دارالحکومت "جوبا" کے باشندوں کی ایک بڑی تعداد یوگینڈا کی جانب ہجرت کرگئی ہے۔ فرانس پریس کی رپورٹ کے مطابق جنوبی سوڈان میں گذشتہ تین ہفتوں سے جاری جھڑپوں میں اضافے کے ساتھ ہی اس ملک کے دو لاکھ سے زیادہ باشندے یوگینڈا کی طرف ہجرت کرگئے ہیں۔ ہفتے کی رات بھی جنوبی سوڈان کے دارالحکومت کے اطراف میں فائرنگ کی آوازیں سنائی دیتی رہیں۔ فوج اور مسلح افراد کے درمیان فائرنگ کا تبادلہ اس قدر شدید تھا کہ ایسا معلوم ہورہا تھا کہ رہائشی علاقہ میدان جنگ میں تبدیل ہوگیا ہے۔ جنوبی سوڈان کی فوج کے ترجمان نے اعلان کیا ہے کہ فوج ملک میں رونما ہونے والے واقعات کا قریب سے جائزہ لی رہی ہے۔ یادرہے کہ جنوبی سوڈان میں ہونے والی خانہ جنگی میں اب تک سیکڑوں افراد ہلاک ہوچکے ہیں جبکہ لاکھوں افراد نقل مکانی کرچکے ہیں۔

جمعیت علماء پاکستان کے صدر اور ملی یکجہتی کونسل کے سربراہ ڈاکٹر صاحبزادہ ابوالخیر محمد زبیر نے حیدرآباد پریس کلب آڈیٹوریم میں غازی ملت ملک ممتاز حسین قادری کو خراج تحسین پیش کرنے کے سلسلے میں منعقدہ عاشق مصطفٰی (ص) کانفرنس سے خطاب کرتے ہوئے کہا کہ جب تک ایک بھی عاشق مصطفٰی (ص) موجود ہے، ممتاز حسین قادری کو کوئی پھانسی نہیں دے سکتا، وہ اللہ کے محبوب حضور (ص) کا محبوب ہے، ممتاز حسین قادری نے پاکستان کی نظریاتی اور جغرافیائی سرحدوں کا تحفظ کیا ہے، ملک توڑنے والوں کی سازشوں کا ڈٹ کا مقابلہ کیا جائے گا۔ جے یو پی کے عاشقان رسول (ص) پاکستان کی نظریاتی اور جغرافیائی سرحدوں کا تحفظ کریں گے، اس ملک میں نظام مصطفٰی نافذ کر دیا جاتا تو آج چوری ڈاکے، قتل غارت گری، دہشت گردی اور ٹارگٹ کلنگ کی کسی کو جرأت نہ ہوتی، حکمرانوں کو سب معلوم ہے، وہ ان دہشت گردوں کو تحفظ فراہم کر رہے ہیں۔ اگر دہشت گردوں کو انصاف کے مطابق سزا دے دی جائے تو پاکستان میں قتل و غارتگری کا سلسلہ بند ہو جائے گا۔ کانفرنس سے ڈاکٹر محمد یونس دانش، عبدالروف الوانی، قاری عبدالرشید اعوان نے بھی خطاب کیا۔

پاکستان کے وزیر اعظم نواز شریف نے کہا ہے کہ اس ملک کے سابق صدر مشرف کے خلاف مقدمے کی مدعی پاکستان کی ریاست اور آئین ہے۔

لاہور میں صحافیوں سے گفتگو کرتے ہوئے انہوں نے کہا کہ عدالت کو فیصلہ کرنا ہے کہ تین نومبر کو آئین ٹوٹا یا نہیں، پاکستان کی بطور ریاست توہین ہوئی یا نہیں۔ انہوں نے کہا کہ عدالت کو فیصلہ کرنا ہے کہ تین نومبر آرٹیکل چھ کے زمرے میں آتا ہے یا نہیں۔ پاکستان کے وزیراعظم نواز شریف نے کہا کہ یہ مقدمہ فرد واحد کا مقدمہ نہیں۔

نواز شریف نے کہا کہ تاریخ کے اس موڑ پر فیصلہ ہو جانا چاہئے کہ ہم آئین، قانون اور انصاف رکھنے والی ریاست ہیں یا نہیں۔ پاکستان کے وزیر اعظم کا کہنا تھا کہ اگر قانون کی نظر میں سب برابر ہیں تو سب کو عدالت کے سامنے جواب دے ہونا چاہئے اور یہ کام عدالت کا ہے کہ کون شخص قصوروار ہے اور کون بے قصور۔