ہندوستان کی وزیر خارجہ سشماسوراج نے پاکستان کے ساتھ مذاکرات کا سلسلہ جاری رکھے جانے کی طرف اشارہ کرتے ہوئے نئی دہلی اور اسلام آباد کے درمیان تمام شعبوں میں تعلقات فروغ دیئے جانے کی ضرورت پر تاکید کی ہے۔ ذرائع کے مطابق ہندوستان کی وزیر خارجہ نے کہا ہے کہ ان کے ملک کی حکومت، علاقے میں قیام امن اور مثبت تبدیلیاں وجود میں لانے کیلئے ایک ساتھ پاکستان اور بنگلہ دیش کے ساتھ مذاکرات کا عمل جاری رکھے گی۔ ہندوستان کی وزیر خارجہ سشماسوراج نے کہا کہ ان کے ملک کی نئی حکومت، ترقی و پیشرفت اور قومی مفادات کی بنیاد پر علاقائی ملکوں کے سلسلے میں موقف تبدیل کرنے کا ارادہ رکھتی ہے۔واضح رہے کہ مسئلہ کشمیر کے حوالے سے ہندوستان اور پاکستان کے درمیان دیرینہ اختلافات جاری ہیں۔

یونیورسٹیوں کے سیکڑوں اساتید نے رہبر معظم انقلاب اسلامی حضرت آیت اللہ العظمی امام خامنہ ای کے ساتھ ملاقات میں ، علمی ، یونیورسٹی، ثقافتی، سماجی، اقتصادی اور سیاسی موضوعات کے بارے میں بحث اور تبادلہ خیال کیا۔

اس ملاقات کا سلسلہ 2 گھنٹے تک جاری رہا اس ملاقات کے آغاز میں یونیورسٹی کے 7 اساتید نے مختلف موضوعات کے بارے میں اپنے نظریات بیان کئے، اس کے بعد رہبر معظم انقلاب اسلامی حضرت آیت اللہ العظمی خامنہ ای نے ایران اور عالم اسلام کے مستقبل کی قسمت و تقدیر کا فیصلہ علمی تحریک کے ہمہ گير ،برق رفتار اور سنجیدگی کے ساتھ جاری رہنے پر منحصر قراردیتے ہوئے فرمایا: اس اہم ھدف کے محقق ہونے اور عملی جامہ پہنانے کے سلسلے میں ایسے افراد کی جہادی مدیریت اور علمی سرگرمی کی ضرورت ہے جو قوم اور وطن کے ساتھ عشق اور دوستی رکھتے ہوں۔

رہبر معظم انقلاب اسلامی نے یونیورسٹیوں کے اساتید کے ساتھ ملاقات کو اچھے اور شیریں جلسات میں شمار کیا جس کا اصلی مقصد ملک کے دانشوروں ،ممتاز علمی اور فکری شخصیات کا احترام اور تکریم ہے۔

رہبر معظم انقلاب اسلامی نے اس جلسہ میں بعض اساتید کے خیالات اور نظریات کو بہت ہی مفید اور اچھا توصیف کرتے ہوئے فرمایا: انشاء اللہ ان تمام موضوعات سے منصوبہ بندی اور حکام کے ساتھ تبادلہ خیال میں استفادہ کیا جائے گا اور ان مطالب کے اثرات عملی طور پر مشاہدہ ہونے چاہییں۔

رہبر معظم انقلاب اسلامی نے اس کے بعد ملک کی علمی تحریک کے سلسلے میں چند اہم نکات بیان کئے ،جن میں ملک کی علمی حرکت کے برق رفتار اور مضاعف طور پر جاری رہنے کا پہلا نکتہ تھا جس کی طرف رہبر معظم انقلاب اسلامی نے اشارہ کیا۔

رہبر معظم انقلاب اسلامی نے فرمایا: ملک کی علمی تحریک ملک و معاشرے اور حتی عالم اسلام کے لئے اساسی اور بنیادی موضوع ہے۔

رہبر معظم انقلاب اسلامی نے فرمایا: علمی کام کی اہمیت پر کئی برسوں کی تاکید کے بعد اب ملک کی علمی تحریک میں نمایاں کامیابیاں حاصل ہوئی ہیں جو عالمی سطح پر شناختہ شدہ ہیں اور حقیقت میں کہا جاسکتا ہے کہ دنیا میں ایران کی علمی تحریک کی رونمائی اور نقاب کشائی ہوئی ہے۔

رہبر معظم انقلاب اسلامی نے ملک کی علمی پیشرفت کے سلسلے میں ایک اہم خدشہ کی طرف اشارہ کرتے ہوئے فرمایا: سب سے اہم تشویش اس بات پر ہے کہ ملک میں کئی برسوں کی تاکید کے بعد جس علمی تحریک کا آغاز ہوا ہے اور جو نصف راہ تک پہنچ چکی ہے وہ کہیں راستے میں متوقف یا سست نہ ہوجائے۔

رہبر معظم انقلاب اسلامی نے فرمایا: اس راستے میں ہر قسم کا ٹھہراؤ یا ملک کی علمی تحریک کےانجن کی حرکت سست ہونے سے ملک پیچھے کی سمت چلا جائےگا۔

رہبر معظم انقلاب اسلامی نے فرمایا: اگر یہ علمی تحریک اور حرکت رک گئی تو اسے واپس لوٹانا بڑا مشکل اور دشوار ہوجائے گا لہذا سب کو چاہیے کہ ملک کی علمی پیشرفت میں مدد فراہم کریں۔

رہبر معظم انقلاب اسلامی نے ملک کی علمی پیشرفت کے متوقف ہونے کو اسلامی نظام کے دشمنوں کے اصلی منصوبوں میں قراردیا اور دشمن کے لفظ سے بار بار استفادہ کرنےکی طرف اشارہ کرتے ہوئے فرمایا: بعض لوگ دشمن کے لفظ سے استفادہ اور اس کی تکرار پر بہت حساس ہیں حالانکہ قرآن مجید میں شیطان اور ابلیس کے کلمات کی باربار تکرار ہوئی ہے جس کا مطلب یہ ہے کہ شیطان اور دشمن سے غافل نہیں رہنا چاہیے۔

رہبر معظم انقلاب اسلامی نے فرمایا: دشمن پر توجہ مرکوز کرنے کا مطلب یہ نہیں ہے کہ داخلی مشکلات اور عیوب پر توجہ نہ دیں لیکن بیرونی دشمن سے غفلت بہت بڑی خطا ہے جس سے ہمیں نقصان پہنچ سکتا ہے۔

رہبر معظم انقلاب اسلامی نے فرمایا: دشمن کے معاندانہ نقشہ اور منصوبے کا مقابلہ کرنے کے لئے علمی میدان میں جہادی مدیریت ، حرکت اور حکام اور یونیورسٹی کے اساتید کے ہوشمندانہ اور صحیح مقابلہ کی ضرورت ہے۔

رہبر معظم انقلاب اسلامی نے اعلی تعلیم و ٹیکنالوجی کی وزارت کے حکام، اساتید اور یونیورسٹیوں کو ملک کی علمی برق رفتار ترقی کو جاری رکھنے اور اس کی حفاظت کرنے کے سلسلے میں تاکید کرتے ہوئے فرمایا: ہم نےبعض ادوار میں یونیورسٹیوں میں نامطلوب اور ناپسندیدہ نمونے مشاہدہ کئے جو ممتاز طالب علموں کو دوسرے ممالک میں جانے کی ترغیب اور تشویق کرتے تھے یا بعض سالوں میں خود وزارت تعلیم و ٹیکنالوجی کے بعض حکام علمی پیشرفت اور حرکت میں رکاوٹ پیدا کرتے تھے اور اب ان موارد کی دوبارہ تکرار نہیں ہونی چاہیے۔

رہبر معظم انقلاب اسلامی نے تاکید کرتے ہوئے فرمایا: یونیورسٹیوں کو ایسے افراد کے حوالے ہرگز نہیں کرنا چاہیے جن کی ملک کی علمی پیشرفت پر کوئی توجہ نہ ہو بلکہ یونیورسٹیوں کو ایسے افراد کے حوالے کرنا چاہیے جو ایران کی علمی پیشرفت کے عاشق و شیدائی ہوں اور ملک و قوم کی تقدیر کے لئے اس کی اہمیت کو سمجھتے ہوں۔

رہبر معظم انقلاب اسلامی نے ملک کی مختصر اور درمیانہ مدت پیشرفت کو بھی بیشمار فوائد کا حامل منجملہ پابندیوں کے غیر مؤثر ہونے کا باعث قراردیتے ہوئے فرمایا: دشمن پابندیوں کے ذریعہ ایرانی قوم کی عزت کے ساتھ کھیلنا اور اسے حقیر بناناچاہتا ہے لیکن علمی ترقی و پیشرفت کے ذریعہ دشمن کا یہ ہتھکنڈہ بھی غیر مؤثر اور ناکام ہوجائےگا۔

رہبر معظم انقلاب اسلامی نے علم محور کمپنیوں پر حکام کی توجہ کو زراعت، صنعت اور علم کے پیوند میں مؤثر عوامل قراردیتے ہوئے فرمایا: وہ کمپنیاں جو معیاری ،اسٹینڈرڈ اور ضروری معیاروں کے ساتھ علمی محور پر مبنی ہیں وہ ملک کی علمی تحریک میں اہم نقش ایفا کرسکتی ہیں۔

رہبر معظم انقلاب اسلامی نے تبلیغی ذرائع کے حامل افراد کی جانب سے ملک کی علمی پیشرفت و ترقی میں تردید ایجاد کرنے کی طرف اشارہ کرتے ہوئے فرمایا: ان کی باتیں صحیح اور درست اطلاعات پر مبنی نہیں ہیں اور ان افراد کے لئے بعض علمی شعبوں میں علمی ٹور کا اہتمام کرنا چاہیے تاکہ وہ سائنس و ٹیکنالوجی کے شعبہ میں، طبی شعبہ میں، نینو کے شعبہ میں اور خلیات و سٹیم سیلزکے شعبہ میں اور دیگر شعبوں میں ملک کی قابل تحسین ترقیات کا مشہدہ کریں اور بے خبری میں کوئی بات نہ کریں۔

رہبر معظم انقلاب اسلامی نے ملک کے جامع علمی نقشہ کی تدوین کو اسٹراٹیجک مسئلہ اور ملک کے مختلف شعبوں کے لئےتنظیم شدہ علمی دستاویزات پر مبنی مسئلہ قراردیتے ہوئے فرمایا: اس جامع علمی نقشہ میں ہر یونیورسٹی کا حصہ مشخص اور معین ہونا چاہیےتاکہ اپنی ظرفیتوں اور خصوصیات کی بنیاد پراپنی ذمہ داری کو اس اہم دستاویز کے سلسلے میں انجام دیے سکیں۔

رہبر معظم انقلاب اسلامی نے ملک کی ضروریات کے ساتھ علمی سرگرمیوں کے زیادہ سے زیادہ انطباق کو ایک بنیادی ضرورت قراردیتے ہوئے فرمایا: اس میں کوئی شک نہیں ہے کہ ایرانی اساتید کے علمی مقالات عالمی سطح پر مرجع کی حیثیت رکھتے ہیں جو ایران کی پیشرفت کا مظہر اور باعث افتخار ہیں لیکن ضروری ہے کہ مقالات اور دوسری علمی تحقیقاتی سرگرمیوں کو اندرونی ضروریات کے مطابق ہونا چاہیے تاکہ یونیورسٹیاں ملک کی مدیریت میں مدد بہم پہنچانے کے سلسلے میں اپنا نقش اچھی طرح ایفا کرسکیں۔

یونیورسٹیوں کے اساتید کے ساتھ اس ملاقات میں رہبر معظم انقلاب اسلامی کا دوسرا اہم نکتہ طلباء پر اساتید کی رفتار، گفتار اور طریقہ کار کے اثرات پر مبنی تھا۔

رہبر معظم انقلاب اسلامی نے فرمایا: استاد کی علمی برتری اور فوقیت ، طلباء کی شخصیت اور ذہن میں اس کے لئے خاص مقام پیدا کرتی ہے اور اس با اثرمقام کے ذریعہ اچھے، خوش جذبہ ، خوش اخلاق ، شجاع ، مؤمن، خود اعتماد ،اسلامی نظام کے اصول پر معتقد ، خدمت کے جذبے سے سرشار اور معنوی اور ملکی تعلقات کے پائبند جوانوں کی تربیت کے سلسلے میں استفادہ کرنا چاہیے۔

رہبر معظم انقلاب اسلامی نے مغربی ثقافت سے مغلوب اور مرعوب ہونے والے افراد پر تنقید کرتے ہوئے فرمایا: یہ افراد قومی و ملکی اور اندرونی اثاثوں کو مستقیم یا غیر مستقیم طور پر تحقیر اور استہزا کرتے ہیں اور طلباء کے اندر مایوسی اور ناامیدی کے اسباب فراہم کرتے ہیں اور یہ کام بہت ہی غلط کام ہے۔

رہبر معظم انقلاب اسلامی نے یونیورسٹیوں کے اسلامی معارف پر مبنی دروس کو بہت ہی گرانقدر موقع قراردیتے ہوئے فرمایا: اگر معارفی علوم کے اساتید ہوشیاری اور گہری معلومات کے ذریعہ طلباء کو فیض پہنچائیں تو اس کا سب سے زیادہ فائدہ ملک اور معاشرے کو پہنچے گااور یونیورسٹیوں میں نمائندگی کے ادارے کو اس مسئلہ کے بارے میں غور و فکر اور اس کے لئے دقیق منصوبہ بنانا چاہیے۔

رہبر معظم انقلاب اسلامی نے انسانی علوم میں بنیادی تحول کو حقیقی ضرورت اور نیاز قراردیتے ہوئے فرمایا: انسانی علوم میں تحول کا مطلب مغربی تحقیقاتی اور علمی کاموں سے بے نیازی نہیں ہے۔

رہبر معظم انقلاب اسلامی نےانسانی علوم میں تحول کی علت بیان کرتے ہوئے فرمایا: مغرب میں انسانی علوم کی بنا مادی اور غیر الہی نظریہ پر استوار ہےجبکہ انسانی علوم اسی وقت انسان اور معاشرے کے لئے مفید واقع ہوسکتا ہے جب وہ الہی اور اسلامی نظریہ پر استوار ہو اور اس سلسلے میں بغیر کسی سست روی کے مناسب سرعت کے ساتھ تلاش و کوشش کرنی چاہیے۔

رہبر معظم انقلاب اسلامی نے اپنے خطاب کے اختتام پر ایک بار پھر بہت ہی اہم نکتہ کی طرف اشارہ کرتے ہوئے فرمایا: یونیورسٹیوں اور علمی مراکز کے مدیروں اور متعلقہ حکام کو چاہیے کہ وہ یونیورسٹیوں اور علمی مراکز کو سیاسی پارٹیوں کی جولانگاہ اور سرگرمیوں کا مرکز بننے کی اجازت نہ دیں۔

رہبر معظم انقلاب اسلامی نے یونیورسٹیوں کو سیاسی میدان میں تبدیل کرنے کو ملک کی علمی تحریک کے لئےمہلک زہر قراردیتے ہوئے فرمایا: افسوس ہے کہ ایک دور میں ہم نے اس تباہ کن حالت کو یونیورسٹیوں میں مشاہدہ کر چکے ہیں۔

رہبر معظم انقلاب اسلامی نے طلباء کے درمیان سیاسی نظریہ ، سیاسی فہم و سیاسی شعور اور سیاسی وابستگی کی تائيد کرتے ہوئے فرمایا: اس مسئلہ میں اور یونیورسٹیوں کو سیاسی کلب اور سیاسی سرگرمیوں میں تبدیل کرنے میں فرق ہے۔

رہبر معظم انقلاب اسلامی نے فرمایا: یونیورسٹیوں میں آرام و سکون کی فضا ملک کی علمی حرکت اور پیشرفت کے لئے ضروری ہےاور اگر خدانخواستہ اس آرام و سکون میں خلل پیدا ہوجائےتو علمی حرکت رک جائے گي اور ایران پیچھے کی طرف لوٹ جائے گا۔

رہبر معظم انقلاب اسلامی نے اپنے خطاب کے دوسرے حصہ میں رمضان البارک میں اخلاص و صدق و صفا اور معنویت کی طرف اشارہ کیا، اور اس بابرکت مہینے سے زیادہ سے زیادہ فیض اٹھانے کی سب کو سفارش کی اور اللہ تعالی سے رابطہ مضبوط بنانے اور سماج میں محبت ، خوداعتمادی اور نیکی کے فروغ پر توجہ مبذول کرنے پر تاکید کی۔

اس ملاقات کے آغاز میں یونیورسٹیوں کے مختلف شعبوں سے منسلک اساتید نےاپنے اپنے نظریات پیش کئے۔

٭ ڈاکٹر سید احمد رضا خضری، تہران یونیورسٹی میں تاریخ تمدن اور الہیات کے پروفیسر

٭ ڈاکٹر عباس علی آبادی، میکینیکل شعبہ میں تہران، اصفہان، اور مالک اشتر یونیورسٹیوں کے علمی کیڈر کے رکن

٭ ڈاکٹر ابراہیم پور جم، تربیت مدرس یونیورسٹی کے شعبہ زراعت کے استاد

٭ ڈاکٹر شہلا باقری ، خوارزمی یونیورسٹی کے شعبہ سماجیات کی استاد

٭ ڈاکٹر سید محمد رضایت، تہران میڈيکل یونیورسٹی کے پروفیسر

٭ ڈاکٹر محمد باقر خرمشاد، علامہ طباطبائی یونیورسٹی کے پولٹیکل سائنس کے استاد

٭ ڈاکٹر شہرام علمداری، شہید بہشتی میڈیکل یونیورسٹی کے استاد

مذکورہ اساتید نے مندرجہ ذیل امور پر اپنے ںطریات پیش کئے۔

٭ پائدار اور مزاحمتی اقتصاد، تمام شرائط میں ملک کی پیشرفت اور ترقی کا باعث

٭ پائدار اور مزاحمتی اقتصاد میں صلاحیتوں، ظرفیتوں اور قوی اور ضعیف نقاط کی شناخت

٭ علمی تحریک کی سرعت اور خود اعتمادی کے جذبے کی تقویت پر تاکید

٭ اعلی تعلیم خصوصا ایم اے کلاسز کی کیفیت کے فروغ پر تاکید

٭ یونیورسٹی اور صنعت کے باہمی رابطہ پر منصوبہ بندی اور گہری توجہ پر تاکید

_ اسلامی ایرانی معاشرے کی تشکیل کے عوامل و عناصر پر تاکید

٭ اسلامی ایرانی نئے تمدن کی تشکیل کے محرک انجمن کے عنوان سے سافٹ ویئر تحریک پر تاکید

٭ زراعت کے شعبہ میں حکومتی ڈھانچے کی اصلاح کے لئے ماہر گروپوں کی تشکیل پر تاکید

٭ کسانوں کے فائدے میں زراعتی محصولات کے بازار کی مدیریت کے لئے منصوبہ بندی پر تاکید

٭ غذائی نمونہ کی اصلاح ، اور اس نمونہ کے مطابق تبلیغی پالیسیوں پر توجہ

٭ اعلی تعلیمی مراکز میں آرام و سکون کی فضا قائم رکھنے پر تاکید اور اس سلسلے میں متعلقہ وزارت خانہ کے حکام کی خاص توجہ پر تاکید

٭ اقتصادی ، سماجی اور سیاسی تجزیات میں ثقافت کے نقش پر خاص توجہ پر تاکید

٭ ثقافتی علوم اور ثقافتی گفتگو کے نئے شعبوں کے منصوبوں پر تاکید

٭ اعلی تعلیم و ٹیکنالوجی کے حکام کی انسانی علوم میں تحول کونسل کے منظور شدہ قوانین پر توجہ

٭ ثقافتی نظام کی اہمیت پر تاکید

٭ ثقافتی اداروں کی غیر ہمآہنگ اور متفاوت سرگرمیوں پر تنقید

٭ تحقیقات کے مؤثر اور عمیق ہونے پر تاکید

٭ نینو کے شعبہ میں قابل تعریف پیشرفت، علمی شعبوں میں ایرانیوں کی توانائی کا مظہر

٭ علم سے لیکر محصول تک کے تمام مراحل میں حمایت پر تاکید

٭ عالمی اور علاقائی حالات پر مسلسل نگاہ اور بروقت رد عمل پر تاکید

٭ عالمی اور علاقائی سطح پر اسلامی جمہوریہ ایران کی سفارتکاری کے متحرک ہونے پر تاکید

٭ اسلامی بیداری کو لاحق خطرات کا جائزہ ، فعال گروہوں کی فکری بیداری پر تاکید

٭ تسلط پسند طاقتوں کے آلہ کار تکفیری اور رجعت پسند گروہوں کے خطرات کے بارے میں ہوشیاری پر تاکید

٭ چھٹے منصوبہ میں مدیریت کے بحران پر خاص توجہ کے بارے میں تجویز

٭ تعلیمی نظام میں علم محوری سےحکمت محوری کی سمت تبدیلی پر تاکید

٭ عملی معیاروں کی سمت صحت کی کلی پالیسیوں میں تبدیلی

٭ تعلیم کے مختلف مراحل میں معنوی سلامت کے معیاروں پر توجہ کے سلسلے میں تاکید

پاکستان کے صوبے پنجاب کے سابق وزیر قانون رانا ثناء اللہ نے کہا ہے کہ پاکستان عوامی تحریک کے سربراہ طاہر القادری، لاہور واقعے کے سب سے بڑے ملزم ہیں، انہیں مقدمے میں شامل تفتیش کیا جائے۔ذرائع کے مطابق رانا ثناء اللہ نے کہا کہ ایک رات حوالات میں گزرے گی تو صبح تک طاہرالقادری کا انقلاب ختم ہوجائے گا۔انھوں نے یہ بات فیصل آباد میں کارکنوں سے خطاب کرتے ہوئے کہی۔ پاکستان کے صوبے پنجاب کے سابق وزیر قانون رانا ثناء اللہ نے کہا کہ کہ لاہور فائرنگ واقعے کو 18 دن گزر گئے لیکن انکوائری ٹیم ابھی تک موقع پر نہیں گئی اور جو گولیاں اندر سے چلیں ان کے نشانات کیوں مٹائے جارہے ہیں۔ ان کا کہنا تھا کہ طاہر القادری اپنے مریدوں کا خون بہا کر اقتدار میں آنا چاہتے ہیں۔ رانا ثناء اللہ کا کہنا تھا کہ وہ رکن اسمبلی نہیں بلکہ عام شہری کی حیثیت سے مطالبہ کرتے ہیں کو طاہرالقادری کو لاہور واقعے میں شامل تفتیش کیا جائے۔اگر ان کی تقاریر اور لوگوں کو وہ اشتعال نہ دلاتے تو شاید وہاں کوئی نقصان نہ ہوتا اس لئے ان کا مطالبہ ہے کہ طاہرالقادری کو اس مقدمے میں شامل تفتیش کیا جائے اور اگر وہ پیش نہ ہوں تو ان کو گرفتار کیا جائے۔

پاکستان کے وزیر ا عظم نواز شریف نے کہا ہے کہ ملکی اور غیر ملکی دہشتگردوں کے خاتمے تک فوجی آپریشن جاری رہے گا۔ ڈان نیوز کے مطابق وزیر اعظم نواز شریف نے آج ایک بیان میں کہا کہ قبائلی علاقے شمالی وزیرستان میں فوجی آپریشن کا فیصلہ تمام پہلووں کو نظر میں رکھ کر کیا گيا ہے۔ انہوں نے کہا کہ اس علاقے کے لئےترقیاتی منصوبوں پر فوج کے آپریشن کے بعد عمل کیا جائے گا۔ پاکستان کی فوج شمالی وزریرستان میں طالبان دہشتگردوں کے خلاف کاروائياں کررہی ہے۔ یہ علاقہ طالبان دہشتگردوں کی پرامن پناہ گاہ شمار ہوتا ہے۔واضح رہے حکومت پاکستان طالبان کے ساتھ مذاکرات کرکے مسلح گروہوں کے تشدد کو ختم کرنا چاہتی تھی لیکن طالبان نے کراچی انٹرنیشنل ایرپورٹ پرحملہ کے رائے عامہ کو اپنے خلاف کرلیا تھ جس کے بعد حکومت فوجی آپریشن کرنے پر مجبور ہوئي ہے۔

صیہونی وزیر خارجہ اویگڈور لیبر مین نے غزہ پٹی پر وسیع فضائی اور زمینی حملوں کا مطالبہ کیا ہے۔ جرمن خبر رساں ایجنسی کی رپورٹ کے مطابق اویگڈور لیبر مین نے منگل کے دن تین صیہونیوں کی لاشیں ملنے کے بعد اسرائیلی فوج سے مطالبہ کیاہے کہ وہ غزہ پٹی پر وسیع فضائی اور زمینی حملے کرے۔ صیہونی وزیر خارجہ نے یہ دعوی بھی کیا کہ تین اسرائيلیوں کی ہلاکتوں اور غزہ پٹی سے فلسطینیوں کے راکٹ اور مارٹر گولوں کے حملوں میں شدت کا آپس میں ربط ہے اور اسرائیل کو چاہۓ کہ وہ غزہ سے ہونے والے راکٹ حملوں کا سدباب کرے۔ واضح رہے کہ صیہونی فوج نے گزشتہ دو دنوں کے دوران غزہ پٹی کو بیس مرتبہ اپنے فضائی حملوں کا نشانہ بنایا۔

رمضان المبارک اللہ تعالی کی رحمت اور ضیافت اور قرآن مجید کی بہار کا مہینہ ہے رمضان المبارک کے پہلے دن حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں محفل انس باقرآن منعقد ہوئی ، جس میں قرآن مجید کے ممتاز قاریوں اور حافظوں نے قرآن مجید کی نورانی آیات کی تلاوت کا شرف حاصل کیا اورقرآنی مجموعہ نے گروہی طور پر بھی قرآن مجید کی آیات کی تلاوت کو پیش کیا اور اللہ تعالی کی حمد و ثنا بجا لائے۔

اس نورانی محفل میں رہبر معظم انقلاب اسلامی حضرت آیت اللہ العظمی امام خامنہ ای نے اپنے خطاب میں اسلامی معاشرے کو قرآن مجید کے ساتھ انس و فہم پیدا کرنےکے سلسلے میں قرآنی موضوعات میں سرگرم افراد کے کام کو بہت ہی گرانقدر، اہم اور اسٹراٹیجک قراردیتے ہوئے فرمایا: پروگرام اس طریقہ سے مرتب کرنا چاہیے تاکہ تمام افراد قرآن مجید کے معانی اور مفاہیم سے آگاہ اور مانوس ہوسکیں۔

رہبر معظم انقلاب اسلامی نے فرمایا: قرآن کے ساتھ روز افزوں انس کی بنا پر اسلامی معاشرے کے اندر استحکام پیدا ہوتا ہے اور یہی اندرونی استحکام ہے جو معاشرے و سماج کو چلینجوں سے عبور کرنے کی طاقت اور قدرت عطا کرتا ہے۔

رہبر معظم انقلاب اسلامی نے ایمان کی مضبوطی، اللہ تعالی پر توکل،اللہ تعالی کے وعدوں پر اعتماد اور مادی مشکلات سےخوفزدہ نہ ہونے کو انس با قرآن کے برکات اور فوائد قراردیتے ہوئے فرمایا: قرآن مجید میں غور و تدبر، اسلامی معاشرے کو گمراہی اور خرافات کی ظلمتوں ووہم و خوف کی تاریکیوں سے نجات دلاتا اور اللہ تعالی کی معرفت و شناخت کی طرف ہدایت کرتا ہے اور آج یہ عالم اسلام کے لئے چیلنجوں کا مقابلہ کرنے کے لئے سلسلے میں ایک بنیادی ضرورت ہے۔

رہبر معظم انقلاب اسلامی نے امت اسلامی کی بصیرت کے اضافہ کی طرف اشارہ کرتے ہوئے فرمایا: دشمنان اسلام اسی حقیقت سے خوفزدہ ہیں اور اسی لئے وہ اسلام کے نام پر اور اسلام کے سائے میں اسلام کے ساتھ مقابلہ کررہے ہیں۔

رہبر معظم انقلاب اسلامی نے خالص محمدی (ص) اسلام اور امریکی اسلام کے بارے میں حضرت امام خمینی (رہ) کی حکیمانہ تعبیر کی طرف اشارہ کرتے ہوئے فرمایا: امریکی اسلام کا نام بھی بظاہر اسلام ہے لیکن امریکی اسلام کی صہیونزم اور طاغوتی طاقتوں کے ساتھ ساز باز ہے وہ طاغوتی اور مستکبر طاقتوں کی ولایت قبول کرتا ہے اور مکمل طور پر امریکہ اور طاغوت کے اہداف اورمفادات کی خدمت میں ہے۔

رہبر معظم انقلاب اسلامی نے بعض اسلامی ممالک منجملہ عراق میں جاری بحران اور کشیدگی کے پیچھے دشمن کے جاسوس اداروں کے آشکارا نقش و کردار کی جانب اشارہ کرتے ہوئے فرمایا: انس باقرآن اور تعلیمات قرآنی سے آشنائي امت اسلامی کو اس قسم کے حوادث کی روک تھام میں مدد بہم پہنچائے گی۔

رہبر معظم انقلاب اسلامی نے اپنے خطاب کے اختتام پر قرآنی سرگرم افراد کو دینی قوانین اور اصولوں پر سنجیدگی کے ساتھ عمل کرنے کی سفارش کرتے ہوئے فرمایا: ملک کے مایہ ناز قرآنی معاشرے کو جوانوں کے لئے عملی نمونہ ہونا چاہیے۔

پاکستانی فوج نے شمالی وزیرستان میں زمینی کاروائياں شروع کردی ہیں۔ پاکستانی میڈیا نے فوجی کے شعبہ تعلقات عامہ کے حوالے سے رپورٹ دی ہے کہ شہری آبادی محفوظ مقامات پر پہنچانے کے بعد میرانشاہ شہر میں فوجی کاروائي شروع کی گئي اورگھروں کی تلاشی لینے کا سلسلہ شروع کیا گيا۔ اس رپورٹ کے مطابق گذشتہ پندرہ روز میں دہشتگردوں کے دسیون ٹھکانے تباہ کئے گئے ہیں۔ پاکستانی فوج کے شعبہ تعلقات عامہ کے مطابق آپریشن ضرب عضب میں اب تک فوج کے سترہ جوان جاں بحق ہوئے ہیں جبکہ تین سو چہتر دہشتگرد ہلاک ہوئے ہیں۔ اس رپورٹ کے مطابق پیشاور اور ٹانک میں متاثرین کو امداد پہنچائي جارہی ہے۔ واضح رہے شمالی وزیرستان میں فوج کے آپریشن کے خوف سے ہزاروں افراد نقل مکانی کرکے پاکستان کے مختلف علاقوں اور افغانستان میں پناہ لینے پر مجبور ہوئے ہیں۔بعض رپورٹوں سے یہ بھی پتہ چلا ہےکہ امریکہ اس فوجی کاروائي کا بجٹ فراہم کیا ہے۔

برطانیہ میں مسلمانوں پر حملوں میں اضافہ ہورہا ہے۔ پریس ٹی وی کی رپورٹ کے مطابق برطانیہ میں ٹیسائید یونیورسٹی (Teesside University )کی جانب سے کی جانے والی تحقیقات کے مطابق فروری سے مئی تک کے مہینوں کے دوران روزانہ اوسطا مسلمانوں پر دو حملے کۓ گۓ جن میں سے سات سو سینتیس کی رپورٹ درج کرائی گئی ہے۔ یہ ایسی حالت میں ہے کہ جب دو ہزار تیرہ میں اسی مدت کے دوران مسلمانوں پر ہونے والے حملوں کی نسبت رواں برس فروری سے مئی تک مہینوں میں مسلمانوں پر ہونے والے حملوں میں بیس فیصد اضافہ ہوا ہے۔ تحقیقات سے یہ بات بھی سامنے آئی ہے کہ مسلمانوں کو تفتیش کے سلسلے میں برطانیہ کی پولیس پر اعتماد نہیں ہے یہی وجہ ہے کہ وہ حملوں کےمتعلق پولیس کے ہاں رپورٹ ہی درج نہیں کراتے ہیں۔

افغانستان کے صدر حامد کرزئي نےکہا ہے امريکہ اور مغرب نے افغانستان ميں اپنے مذموم مقاصد کے حصول کي خاطر افغانستان کو جنگ کي آگ ميں جھونکا ہے-

ذرائع کے مطابق افغانستان کے صدر حامد کرزئي نے ايک انٹرويو ميں کہا ہے کہ افغانستان ميں جنگ امريکہ اور مغرب کي سازش کا نتيجہ ہے -انہوں نے کہا کہ امريکہ اور مغرب کي سازش کے نتيجے ميں وجود ميں آنے والي جنگ سےافغان عوام کو سب سے زيادہ نفصان اٹھانا پڑا ہے -حامد کرزئي نے کہا کہ اپنے تيرہ سالہ دور حکومت ميں انہوں نے ملک اور عوام کے خلاف ہونے والي سازشوں کو ناکام بنانے کي بھرپور کوشش کي ہے-انہوں نے کہا کہ امريکہ اور مغرب کي سازشوں کا ڈٹ کر مقابلہ کرنا،افغانستان کےساتھ امريکہ اور نيٹو کے اختلافات کا باعث بنا ہے- انہوں نے مزید کہا کہ افغان عوام کا قتل عام، اس ملک پر سابق سويت يونين کي جارحيت کے زمانے سے شروع ہوا تھا جو آج بھي جاري ہے - انہوں نے کہا کہ ہم عيدالفطر کے موقع پر حکومت کي تمام ذمہ دارياں نئے صدر کے حوالے کردیں گے ۔

رہبر معظم انقلاب اسلامی حضرت آیت اللہ العظمی امام خامنہ ای نے ہفتم تیر کے محترم شہیدوں کے اہل خانہ اور تہران کےبعض دیگر شہیدوں اور جانبازوں کے خاندانوں کے ساتھ ملاقات میں شہیدوں کے پیغام کے ادراک کے سلسلے میں ملک اور معاشرے کی ضرورت پر تاکید کی اور شہیدوں کے نورانی اور شاداب راستے پر قوم کی وفاداری کو تسلط پسند طاقتوں کی سازشوں کی مسلسل شکست کا مظہر قراردیا اور علاقائي واقعات منجملہ عراق کے حالات کی طرف اشارہ کرتے ہوئے فرمایا: عراق میں جاری جنگ در حقیقت مغربی ممالک طرفداروں ، دہشت گردوں کے حامیوں اور قوموں کے استقلال کے طرفداروں و دہشت گردوں کے مخالفین کے درمیان ہے۔

رہبر معظم انقلاب اسلامی نے اپنے خطاب کے آغاز میں رمضان المبارک کی آمد کی طرف اشارہ کیا اور اس عظیم مہینے کو اللہ تعالی کی بارگاہ میں توجہ ، اخلاص اور صفا و پاکیزگی کا مہینہ قراردیا اور تمام لوگوں کو سفارش کی کہ وہ اس مہینے کو غنیمت سمجھیں اور اس میں اللہ تعالی کی رحمت اور بخشش طلب کریں۔

رہبر معظم انقلاب اسلامی نے 7 تیر سن 1360 ہجری شمسی کو تاریخی اور ناقابل فراموش دن قراردیتے ہوئے فرمایا: شہیدوں کو ہماری ضرورت نہیں ہے بلکہ ہمیں ان کے پیغام کو سننے ، ان کے اہداف کو پہچاننےاور ان کے سعادت بخش راستے پر گامزن رہنے کی ضرورت ہے۔

رہبر معظم انقلاب اسلامی حضرت آیت اللہ العظمی خامنہ ای نےقرآن مجید کی آیات کی روشنی میں خوف ، حزن اور اندوہ سے دوری کو اسلامی معاشرے کے لئے شہیدوں کا بشارت پر مبنی پیغام قراردیتے ہوئے فرمایا: ہمیں شہیدوں کے اس نورانی پیغام کے ادراک کے ساتھ انقلاب کے اعلی اور نورانی اہداف کی سمت مزید شوق و نشاط کے ساتھ گامزن رہناچاہیے۔

رہبر معظم انقلاب اسلامی نے شہیدوں اور جانبازوں کے معظم خاندانوں کے صبر، ہمراہی اور سرافرازی کی تعریف و تجلیل کی اور ہفتم تیر کے واقعہ اور اس میں حضرت امام خمینی(رہ) اور انقلاب کےحامی درجنوں افراد منجملہ آیت اللہ بہشتی جیسے عظیم و بزرگ ،سیاسی، علمی اور فکری انسان کی شہادت کو ایرانی قوم کی رفتار اور اس کے دشمنوں کی رفتار کو پہچاننے اور مطالعہ کا اہم معیار قراردیا۔

رہبر معظم انقلاب اسلامی نے اسی سلسلے میں فرمایا: ہفتم تیر کے بھیانک اور خوفناک واقعہ کے مطالعہ سے معلوم ہوتا ہے کہ عالمی ظالم و جابر ادارے ایرانی قوم کی منطق ، ثقافت اور فکر کے سامنے شکست و ناکامی اور کمزوری کا احساس کرتے تھے اور اس وحشیانہ جرم و جنایت کے علاوہ اس سرزمین کے 17 ہزار عوام اور حکام کے قتل میں ملوث دہشت گردوں کی حمایت بھی کررہے ہیں۔

رہبر معظم انقلاب اسلامی نے ہفتم تیر کو انسانی حقوق کے دعویداروں کی مکمل رسوائی قراردیتے ہوئے فرمایا: ہزاروں بے گناہ ایرانیوں کے قتل میں ملوث افراد اس دور سے لیکر آج تک مغربی ممالک کی آغوش میں ہیں اور اب بھی مغربی پارلیمانوں اور امریکی مراکز میں ان کا خیر مقدم کیا جاتا ہے۔

رہبر معظم انقلاب اسلامی نے فرمایا: ایک طرف انسانی حقوق کےمغربی دعویدار ایرانی قوم کے قاتلوں کے لئے اپنی آغوش پھیلائے ہوئے ہیں اور دوسری طرف اسلامی جمہوریہ ایران پر دہشت گردی کا الزام عائد کرتے ہیں جبکہ اسلامی جمہوریہ ایران خود دہشت گردی کا شکار ہے اور مغرب ممالک کے دعوؤں کو پہچاننے اور پرکھنے کے لئےیہ بہت ہی اچھا معیار ہے۔

رہبر معظم انقلاب اسلامی نے سن 1366 ہجری شمسی میں تیر مہینے کی آٹھویں تاریخ کو سردشت شہر کے عوام پر صدام معدوم کی جانب سے کیمیاوی بمباری کی طرف اشارہ کرتے ہوئے فرمایا: سردشت اور اس سے قبل حلبچہ کے عوام پر کیمیاوی بمباری کے باوجود امریکہ اور یورپی ممالک صدام معدوم کی تائید اور اس کی حمایت کرتے رہے جب تک ان کے لئے صدام معدوم سے استفادہ کا امکان فراہم تھا اس وقت تک وہ صدام کے کسی قعل پر اعتراض نہیں کرتے تھے اور مغربی ممالک کے دعوؤں کی حقیقت کو پہچاننے کا یہ دوسرا معیار و ملاک ہے۔

رہبر معظم انقلاب اسلامی نے دشمنوں کے مقابلے میں ایرانی قوم کی استقامت کی تعریف کرتے ہوئے فرمایا: ایرانی قوم نے استقامت اور پائداری کے ساتھ اپنی منطق کودشمن کے سامنے کامیاب بنایا ہے اور آج ہر منصف مزاج انسان اسلامی جمہوریہ ایران اورایرانی قوم کو مظلوم سمجھنے کے ساتھ مقتدر ، عزیز ، مستقل اور ترقی یافتہ سمجھتا ہے اللہ تعالی کے فضل و کرم اور شہیدوں کی راہ پر ایرانی عوام کی وفاداری کی برکت سے اس راہ پر حرکت مزید برق رفتاری کے ساتھ جاری رہےگی۔

رہبر معظم انقلاب اسلامی نے دشمنوں کی حالیہ تین عشروں میں ہونے والی ناکامیوں کو ایرانی قوم کی نسبت ان کے عناد اور دشمنی کے مزید اضافہ کا باعث قراردیتے ہوئے فرمایا: سامراجی اور استعماری طاقتیں جو حضرت امام (رہ) ، انقلاب اور ایرانی قوم سے متنفر ہیں وہ ایرانی قوم کے خلاف اپنی سازشوں سے دستبردار ہونے والی نہیں ہیں اسی وجہ سے ایرانی قوم اور حکام کو بہت زيادہ ہوشیار رہنے کی ضرورت ہے۔

رہبر معظم انقلاب اسلامی نے علاقائی واقعات و حوادث کی طرف اشارہ کرتے ہوئے فرمایا: دشمنوں نے آج قوموں کے درمیان داخلی جنگیں شروع کرنے پر سرمایہ کاری کی ہے تاکہ وہ قوموں کو علاقائی اور مذہبی عناوین کے تحت ایکدوسرے کے ساتھ لڑا سکیں۔

رہبر معظم انقلاب اسلامی نے عراق کے حوادث اور بعض دیگر ممالک کے واقعات کے بارے میں سامراجی طاقتوں کے پروپیگنڈے کو شیعوں اور سنیوں کے درمیان جنگ چھیڑنے کی کوشش کا مظہر قراردیتے ہوئے فرمایا: عراق میں صدام معدوم کے باقی ماندہ منفور عناصر کے ساتھ مٹھی بھر جاہل، نادان ،بے شعور اور متعصب افراد بھیانک جرائم کا ارتکاب کررہے ہیں اور دشمن اس کو شیعہ اور سنی جنگ قراردے رہے ہیں لیکن یہ ان کی صرف ایک آرزو ہے۔

رہبر معظم انقلاب اسلامی نے فرمایا: عراق میں شیعہ اور سنی جنگ نہیں ہے بلکہ یہ جنگ دہشت گردوں اور ان کے مخالفین کے درمیان ہے عراق میں جنگ در حقیقت امریکہ اور مغربی ممالک کے حامی دہشت گردوں اور قوموں کے استقلال کے طرفداروں کے درمیان جنگ ہے عراقی کی جنگ انسانیت کے طرفداروں اور مغرب کے وحشی اور جرائم پیشہ افراد کے درمیان ہے۔

رہبر معظم انقلاب اسلامی نے عراق کے واقعات کی دوسرے اسلامی ممالک میں تکرار کے سلسلے میں دشمنوں کی کوششوں کی طرف اشارہ کرتے ہوئے فرمایا: علاقائي قوموں کو چاہیے کہ وہ دشمنوں کی ان حرکتوں کو زیر نظر رکھیں اور مسلمان قوموں کو جان لینا چاہیے کہ دشمن ان کے استقلال ،عزت اور عظمت کو ختم کرنے کے لئے کسی بھی کوشش سے دریغ نہیں کرےگا۔

رہبر معظم انقلاب اسلامی نے اسلامی بیداری اور اسلامی تحریک کی لہر سے نجات پانے کو دشمن کی طرف سے شیعہ و سنی جنگ چھیڑنے کا اصلی مقصد قراردیا اور دشمنوں کے ساتھ مقابلہ کی بنیادی راہوں کی تشریح کے سلسلے میں اسلامی جمہوری نظام کو شفا بخش اور بے نظیر نسخہ قراردیا۔

رہبر معظم انقلاب اسلامی نے فرمایا: ایران کی دلیر، عزیز اور شجاع قوم نے دشمنوں کی اب تک کی تمام سازشوں کو اتحاد ، بصیرت اور ہوشیاری کے ساتھ ناکام بنادیا ہے اور بیشک آئندہ بھی وہ دشمن کی تمام سازشوں اور حملوں کو ناکام بنا دےگی اور سرانجام اسلامی بیداری کے مقابلے میں دشمن محاذ کی شکست یقینی ہے۔

حضرت آیت اللہ العظمی خامنہ ای نے اپنے خطاب کے اختتام میں ملک کے عوام، دانشوروں، حکام، ہنرمندوں، مصنفین اور طلباء کو انقلاب اسلامی کے گرانقدر شہیدوں کی میراث کی حفاظت کے سلسلے میں تاکید کی اور شہیدوں کی عظمت کے سامنے ذمہ داریوں کو پورا کرنے کی سفارش کی۔

رہبر معظم انقلاب اسلامی کے خطاب سے قبل شہید اور جانباز فاؤنڈیشن میں ولی فقیہ کے نمائندے اور سربراہ حجۃ الاسلام والمسلمین شہیدی محلاتی نے اسلامی انقلاب کی مضبوطی اور پائداری کا اصلی رکن ایثار، جہاد اور شہادت کو قراردیا اور شہید و جانباز فاؤنڈیشن میں ثقافتی ترجیحات کے پروگراموں کی طرف اشارہ کرتے ہوئے کہا: ایثار و شہادت ثقافت کی ترویج کے لئے اعلی کونسل کی تشکیل، سپاس منصوبہ کے عنوان سے جانبازوں کی توانائیوں اور صلاحیتوں کی قدردانی اور ملک کے دوسرے اجرئی اداروں کے ساتھ تعاون اور گفتگو شہید و جانباز فاؤنڈیشن کے اہم پروگراموں میں شامل ہیں۔

رہبر معظم انقلاب اسلامی نے اس ملاقات میں موجود جانبازوں کے ساتھ نوازش اور محبت کا اظہار کیا۔