تہران، ارنا- قائد اسلامی انقلاب نے بھاری اقتصادی جنگ میں امریکہ کی المناک شکست میں تاجروں اور محنت کشوں کے کردار پر تبصرہ کرتے ہوئے حکام سے مطالبہ کیا کہ وہ صنعت اور انتظام کیلئے ایک اسٹریٹجک پلان تشکیل دیں، پیداوار کی نگرانی اور معاونت کریں، پیداوار میں کمی اور نقصانات کو ختم کریں اور پیداوار، روزگار اور ترقی کو تیز کرنے سے لوگوں کی زندگیوں کو بہتر بنانے کا سلسلہ جاری رکھیں۔

متحدہ عرب امارات میں سرگرم صیہونی باشندوں کی بڑی نے اپنی اقتصادی اور تجارتی سرگرمیوں کو منشیات اور جنسیات کے شعبوں سے مخصوص کر دیا ہے، یہ انکشاف خود صیہونی میڈیا نے کیا ہے۔

صیہونی حکومت کے چینل بارہ نے اپنے ایک رپورٹ میں انکشاف کیا ہے کہ جب سے عرب امارات نے مقبوضہ فلسطین میں رہنے والے صیہونیوں پر اپنے دروازے کھولے ہیں، تب سے تقریبا ایک ہزار صیہونی تاجروں نے منشیات کی اسمگلنگ، جنسیات اور منی لانڈرنگ کے شعبوں میں اپنی سرگرمیاں شروع کی ہیں جبکہ بعض سیاحت، ریئل اسٹیٹ اور ہوٹل مینجمنٹ کے شعبوں میں بھی مصروف ہیں۔

رپورٹ کے مطابق عرب امارات اور غاصب صیہونی حکومت کے مابین ہوئے ابراہیم معاہدے کو ابھی ایک سال بھی نہیں گزرا ہے، مگر اسی دوران دبی صیہونیوں کے لئے ایک اہم سیاحتی مرکز میں تبدیل ہو چکا ہے۔

دوہزار اکیس میں تقریبا سو صیہونی مجرموں نے مقبوضہ فلسطین سے فرار کر کے امارات میں آکر پناہ لی جن میں کچھ ایسے بھی تھے جو صیہونی پولیس کو مطلوب تھے۔

ایک صیہونی عہدے دار نے اعتراف کیا ہے کہ تل ابیب دنیا بھر میں اپنے جرائم پیشہ لوگوں کو برآمد کر کے انہیں منی لانڈرنگ اور منشیات کی اسمگلنگ کے شعبوں میں سرگرم عمل کرنے کے لئے معروف ہو چکا ہے کیوں کہ صیہونی مجرمین اسرائیل کے ساتھ عرب ممالک کے دوستی معاہدوں سے فائدہ اٹھا کر بین الاقوامی جرائم پیشہ گروہوں کے ساتھ تعلقات قائم کرنے کے لیے انہیں استعمال کر رہے ہیں۔

یمنی مسلح افواج کے ترجمان بریگیڈیئر جنرل یحیی سریع نے منگلکو متحدہ عرب امارات میں سرمایہ کاری کے خطرے کے بارے میں دوبارہ خبردار کیا۔

یمنی مسلح افواج کے ترجمان نے اپنے ٹویٹر اکاؤنٹ پر دبئی ایکسپو کا حوالہ دیتے ہوئے ہیش ٹیگ "Exbo" کا استعمال کرتے ہوئے لکھا: "ہمارے ساتھ تصادم میں، آپ ناکام ہو سکتے ہیں... ہم آپ کو مشورہ دیتے ہیں کہ آپ اپنی منزل بدل لیں۔"

"دبئی زیادہ خوبصورت لگ رہا ہے... کیا ہماری افواج نمائش میں شرکت کریں گے (دبئی ایکسپو کا حوالہ دیتے ہوئے)؟" "خاص طور پر چونکہ ہمارے پاس دکھانے کے لیے اچھی چیزیں ہیں۔"

یحییٰ سریع نے پہلے بھی ایک پیغام میں متحدہ عرب امارات میں غیر ملکی سرمایہ کاروں کو خبردار کیا تھا۔ انہوں نے ابوظہبی کے خلاف حالیہ آپریشن سے پہلے کہا،  ہم متحدہ عرب امارات کے چھوٹے ملک میں غیر ملکی کمپنیوں کو ملک چھوڑنے کا مشورہ دیتے ہیں۔"

یحییٰ سریع  نے خبردار کیا، "جب تک متحدہ عرب امارات کے حکمران ہمارے خلاف جارحیت کرتے رہیں گے، اس کا مطلب ہے کہ غیر ملکی کمپنیوں نے ایک چھوٹے سے غیر محفوظ ملک میں سرمایہ کاری کی ہے۔"

گذشتہ ہفتے یمنی فوج نے  (یمن طوفان 1) کے نام سے ایک کامیاب آپریشن میں المصفح کے علاقے میں تیل صاف کرنے کے کارخانے اور ابوظہبی کے ہوائی اڈے پر بیلسٹک میزائل اور یو اے وی فائر کیے تھے۔

 یمنی مسلح افواج کے ترجمان یحیی سریع نے اس ہفتے پیر کے روز سعودی عرب اور متحدہ عرب امارات کے اہم مقامات میں آپریشن کے دوسرے مرحلے کا اعلان کیا جس کا عنوان "الیمن 2 کا دور" ہے۔

یمنی فوج کا کہنا ہے کہ اس کی افواج ابوظہبی میں الظفرہ ایئر بیس اور دیگر اہم اہداف کو بڑی تعداد میں ذوالفقار بیلسٹک میزائلوں سے نشانہ بنانے میں کامیاب رہی ہیں۔

یحییٰ سریع نے مزید کہا کہ یمنی فوج نے صمد 3 ڈرون اور شوریٰ کے علاقے میں سعودی سرزمین میں گہرائی میں موجود متعدد فوجی اڈوں اور صمد 1 اور قصف 2k ڈرون کے ذریعے دبئی کے دیگر اہم اہداف کو بھی نشانہ بنایا ہے۔

یمنی مسلح افواج کے ترجمان نے یہ بھی کہا ہے کہ سعودی عرب کے جنوبی علاقے جازان اور عسیر میں اہم مراکز کو بڑی تعداد میں بیلسٹک میزائلوں سے نشانہ بنایا گیا ہے اور میزائلوں نے اہداف کو ٹھیک ٹھیک نشانہ بنایا ہے۔

متحدہ عرب امارات پر یمنی فوج کے حملے اس وقت دوبارہ شروع ہوئے جب یمنی انصار اللہ تحریک کے سیاسی بیورو کے رکن محمد البخیتی نے حملوں سے قبل العربی کو بتایا: "سعودی عرب اور متحدہ عرب امارات کے درمیان ایک معاہدہ ہوا ہے جس کے مطابق" سعودی عرب یمن کے تمام جنوبی صوبوں بشمول شبوا کو متحدہ عرب امارات کے حوالے کردے گا اور اس کے بدلے میں متحدہ عرب امارات ماضی کی طرح اپنی تمام فوجی صلاحیتیں بروئے کار لائے گا۔

آسمان فضیلت کی مدحت سرائی  ممکن نہیں۔ کسی کی کیا مجال ہے  جو بوستان فضیلت کی شاخ درخت پر  بلبل کی طرح بیٹھ کر آسمان فضیلت پر فائز ہستی کی مدح سرائی کا فریضہ نبھا سکے۔  ساتھ ہی جہاں پر بھی کوئی فضیلت کے عنصر کا مشاہدہ کرے تب وہاں اپنی بساط کے مطابق اس صاحب فضیلت کی تعریف و تمجید  کو اپنا وطیرہ بنا کر اس کی مدح  و ستائش میں لگ جانا انسانی وجود کا شروع سے ہی  ایک خاصہ رہا ہے۔ بسا اوقات وہ مداح اپنے ممدوح کی فضیلتوں کے بیان کا حق بھی کافی حد تک  ادا کرتا ہے۔ ایسا اس وقت ممکن ہوتا ہے جب ممدوح ایک عام انسان ہونے کے ساتھ ساتھ بعض منفرد خصوصیات کا بھی حامل ہو، لیکن اگر موصوف عالم مادہ میں منحصر نہ ہو بلکہ جسمانی کمالات سے سرشار ہونے کے علاوہ ملکوتی فضائل کے بھی حامل ہوں، تب یہ مدح خواں فضیلتوں کی فضا میں معمولی پرواز کے بعد اس کے بیان کا پر گرنا شروع ہوجائے گا، اور اس فضا میں حیران و سرگردان رہنے کے بعد دوبارہ زمین پر واپس پہنچ جائے گا۔ حضرت زہراؑ کا وجود مبارک بھی اس کا ایک بارز مصداق ہے۔
 آپ کا حسب بھی بےمثال ہے اور نسب بھی بےنظیر۔ اگر آپ کے والد بزرگوار حضرت محمد مصطفی ؐتمام انبیاء سے افضل ہیں تو  آپ پوری جہاں کی خواتین سے افضل و برتر ہیں۔ آپ کے دو شہزادے جنت  کے جوانوں کے سردار ہیں تو آپ کا شوہر گرامی  ان شہزادوں سے بھی بافضیلت ہیں۔ آپ کےحسب و نسب پر آج بھی ساری دنیا رشک کرتی ہے۔ آپ فضیلت کے وہ بحر بیکراں ہیں جس کی تہہ تک چودہ سو سال سے زیادہ مدت گزرنے کے باوجود  آج تک کوئی  رسائی حاصل نہ کر سکا۔ بلکہ تحقیقی میدان میں وسعت آنے کے ساتھ ساتھ دن بہ دن آپ کی فضیلتوں  کے نئے دریچے کھلتے چلے جا رہے ہیں۔ آپ وہ بافضیلت خاتون ہیں جس کی سیرت پوری بشریت کے لیے ایک بہترین نمونہ عمل ہے۔ آپ نے رہتی دنیا تک کی خواتین کو یہ درس دیا کہ کس طرح  عبادت الٰہی بجا لانا ہے، کیسے والد کے گھر میں زندگی گزارنا ہے، امور شوہر داری کو کیسے  بطریق احسن نبھانا ہے، بچوں کی تربیت کس پیرائے میں انجام دینا ہے، کیسے مشکلات سے نمٹنا ہے، کیسے راز داری کی رعایت کرنا ہے، کیسے نامحرموں سے اپنے کو دور رکھنا ہے، کیسے حیا و عفت کا مظاہرہ کرنا ہے، کیسے غریبوں، مسکینوں ، یتیموں اور بے نواؤں کی مدد کرنا ہے۔ غرض آپ تمام اوصاف حمیدہ سے آراستہ پیراستہ ہونے کے علاوہ تمام آلائشوں سے پاک و پاکیزہ عصمت کے مقام پر فائز تھیں۔ لہذٰا آپ کی زندگی کا ہر گوشہ ہر انسان کے لیے ایک بہترین اور مثالی  نمونہ عمل ہے۔
 آپ کی  عظمت کے اظہار لیے یہی کافی ہے کہ آپ کی شان و منزلت میں نہ صرف شیعوں اور دوسرے مسلمانوں نے کتابیں لکھی ہیں بلکہ مسیحی اور دوسرے غیر مسلم دانشوروں نے بھی اپنی توانائی کے مطابق قلم فرسائی کی ہیں۔ اپنی گزشتہ تحریر میں غیر مسلم دانشوروں کی عقیدت کے کچھ نمونے پیش کرنے کی سعادت حاصل کی تھی آج ہم بالترتیب بعض اہل سنت علماء کے اظہار عقیدت کو الفاظ کے روپ میں اتارنے  کی کوشش کرتے ہیں:
 1. روایات کی نقل میں بہت ہی احتیاط برتنے کے باوجود معروف اہل سنت محدث بخاری نے صحیح بخاری میں یہ روایت نقل کی ہے کہ پیغمبر اکرمؐ نے ارشاد فرمایا، فاطمہ جنت کی خواتین کی سردار ہیں۔  ساتھ ہی یہ بھی نقل کیا کہ آپ ؐ نے فرمایا، فاطمہ میرے وجود کا حصہ ہے جس نے ان کو ناراض کیا اس نے مجھے ناراض کیا ہے۔﴿۱﴾
 2. مسلم: نے صحیح مسلم میں نقل کیا ہے کہ پیغمبر اکرمؐ نے فرمایا، فاطمہ میرے بدن کا حصہ ہے۔ جس نے اس کو ناراض کیا اس نے اپنے پیغمبر کو ناراض کیا اور جس نے ان کو خوش رکھا اس نے اپنے پیغمبر کو خوش رکھا ہے۔﴿۲﴾
 3. حاکم نیشابوری: مستدرک میں حضرت عائشہ سے نقل کرتے ہیں  کہ پیغمبر اکرمؐ نے اپنی رحلت کے وقت حضرت فاطمہ ؑ سے فرمایا، میری بیٹی! کیا آپ امت اسلامی اور پوری دنیا کی خواتین کی شہزادی بننا پسند نہیں کرتیں۔﴿۳﴾
 4. فاطمہ زہرا ؑعبدالحمید معتزلی کی نگاہ میں: رسول خداؐ فاطمہؑ کا لوگوں کی توقع  سے زیادہ اور  غیرمعمولی  احترام کیا کرتے تھے۔ یہاں تک کہ باپ بیٹی کی محبت سے بھی زیادہ۔ ایک مرتبہ نہیں بلکہ بارہا عمومی اور خصوصی محفلوں میں آپ ؐ نے  فرمایا، یہ دنیا کی تمام خواتین کی سردار اور عمران کی دختر گرامی مریم کی مانند ہیں۔ قیامت کے دن "موقف" سے گزرتے وقت منادی عرش سے ندا دے گاکہ اے محشر والو! اپنی نظروں کو جھکائے رکھنا کیونکہ محمدؐ کی دختر گرامی یہاں سے گزر رہی ہیں۔
 جب زمین پر رسول اکرمؐ فاطمہؑ کو حضرت علیؑ کے عقد میں دے رہے تھے تو اس وقت خداوندعالم نے آسمان پر فرشتوں کو گواہ بنا کر انہیں علیؑ کے عقد میں دیا۔ یہ کوئی من گھڑت احادیث میں سے نہیں بلکہ معتبر حدیث ہےکہ پیغمبر اکرم ؐ نے بارہا فرمایا، جس نے انھیں  اذیت پہنچائی اس نے مجھے اذیت پہنچائی۔ جس نے انھیں ناراض کیا اس نے مجھے ناراض کیا ہے۔ وہ میرے وجود کا حصہ ہے جو ان کی ﴿عظمت﴾ بارے میں شک کرے، اس نے مجھے شک کی نگاہ سے دیکھا ہے۔ جس نے ان کا حق چھینا اس نے مجھے بےچین کردیا ہے۔ ﴿۴﴾۔
 5. فخر رازی: معروف مفسر فخر رازی، سورہ کوثر کی تفسیر کے ذیل میں مختلف صورتوں کو ذکر کرنے کے بعد ایک صورت یہ بیان کرتے ہیں کہ کوثر سے مراد پیغمبر اکرمؐ کی اولاد ہیں۔ ان کا کہنا ہے، اس آیت کی شان نزول دشمنوں کی طرف سے پیغمبر اکرمؐ کو  طعنہ دینا ہے۔ دشمنوں کا کہنا تھا، محمد ابتر ﴿مقطوع النسل یعنی اپنے بعد بچے وغیرہ کا نہ چھوڑنے والا﴾ ہیں۔ اس آیت کا ہدف یہ ہے کہ خداوندعالم نے حضورؐ کی نسل میں اتنی برکت عطا کی ہےکہ مرور زمان کے ساتھ ساتھ ان کی نسل بڑھتی رہی۔ دیکھئے کہ کتنی بڑی تعداد میں خاندان اہل بیت ؑ سے تعلق رکھنے والوں کو قتل کیا گیا لیکن اس کے باوجود دنیا پیغمبرؐ کی اولاد سے بھری پڑی ہے۔ جبکہ بنو امیہ تعداد میں کثرت میں ہونے کے باوجود بھی ان کا کوئی ایک معتبر شخص موجود نہیں ہے۔ اس کے برعکس آپ پیغمبر اکرمؐ کی اولاد پر نظر دوڑائیں تو ان کی اولاد علماء  اور دانشوروں سے پر ہیں۔ باقر، صادق، کاظم، رضا۔۔۔۔ جیسے افراد خاندان رسالت سے باقی ہیں۔ ﴿۵﴾
 6.سیوطی: ہمارا اعتقاد یہ ہے کہ کائنات کی خواتین میں سے  سب سے افضل مریم ؑ و فاطمہؑ ہیں۔
 7. آلوسی: اس حدیث کی رو سے کہ "بیشک فاطمہ بتول گزشتہ اور آنے والی تمام خواتین سے افضل ہیں" کائنات کی تمام خواتین پر ان کی افضلیت ثابت ہوتی ہے کیونکہ وہ رسول خداؐ کی روح رواں ہیں اس حوالے سے آپ کو عائشہ پر بھی برتری حاصل ہے۔
 8. سہیلی: موصوف اس مشہور حدیث کو نقل کرنے کے بعد " فاطمہ میرے بدن کا حصہ ہے" اس پر یوں تبصرہ کرتا ہے، میں کسی کو بھی بضعة رسول اللہ کی مانند نہیں سمجھتا ہوں۔
 9. ابن الجکنی: صحیح ترین قول کی بنا پر فاطمہ ؑ تمام خواتین سے افضل ہیں۔
 10. شنقیطی: بیشک حضرت زہراؑ کی سروری اسلام کی ایک واضح و روشن حقیقت ہے۔ یہ کسی سے پوشیدہ نہیں۔ کیونکہ زہراؑ پیغمبر اکرمؐ کے وجود کا حصہ ہیں۔ جس نے زہراؑ کو اذیت دی اس نے پیغمبر اکرمؐ کو اذیت دی ہے اور جس نے زہراؑ کو ناراض کیا اس نے پیغمبرؐ کو ناراض کیا ہے۔
 11. توفیق ابو علم: ان کی عظمت اور بلندی کے اثبات کے لیے یہی کافی ہے کہ آپ ہی پیغمبر اکرمؐ کی اکلوتی بیٹی، علی کرم اللہ وجہہ کی باشرف شریک حیات اور حسنؑ و حسینؑ کی مادر گرامی ہیں۔ زہرا ؑوہ باعظمت ہستی ہیں، جس کی طرف کروڑوں عقیدت مند اپنی  عقیدت کا والہانہ اظہار کرتے ہیں۔ زہراؑ آسمان نبوت پر ساطع ہونے والا شہاب ثاقب اور آسمان رسالت پر چمکنے  والا روشن ستارہ ہیں۔ آخری تعبیر آپ کے لیے میں یہی استعمال کروں گا کہ خلقت میں سب سے زیادہ بلند مرتبہ  آپ ہی کو نصیب ہوا ہے۔ یہ ساری تعبیریں حضرت زہراؑ کی فضیلت کی دنیا کا صرف ایک چھوٹا سا گوشہ ہے۔ ﴿۶﴾
 12. زرقانی: جس حقیقت کو امام مقریزی، قطب الخضیری اور امام سیوطی نے واضح دلیلوں کے ذریعے انتخاب کیا ہے اس کے مطابق فاطمہؑ کائنات کی تمام خواتین بشمول حضرت مریم  سے افضل ہیں۔
 13. سفارینی:  لفظ سیادت کے ذریعے فاطمہؑ کا خدیجہ اور مریم سے بھی افضل ہونا ثابت ہے۔
 14. شیخ رفاعی: بہت سارے قدیم علماء اور دنیا کے دانشوروں کی تصدیق کے مطابق فاطمہؑ تمام خواتین سے افضل ہیں۔
 15. ڈاکٹر محمد طاہر القادری: بعض احادیث سے چار خواتین کی افضلیت کی نشاندہی ہوتی ہے۔ البتہ یہ احادیث سرور جہان ﴿حضرت فاطمہ﴾ کی تمام  خواتین پر افضلیت کے منافی نہیں، کیونکہ بقیہ تین خواتین ﴿مریم، آسیہ اور خدیجہ﴾ کی افضلیت اپنے اپنے زمانے سے مختص ہے جبکہ سرور جہاں کی افضلیت عام اور مطلق ہے اور ان کی افضلیت ہر زمانے اور پوری دنیا کی خواتین پر ثابت ہے۔ ﴿۷﴾
 ان تمام علماء کی آراء کو جمع کرنے سے ہم اس نتیجے تک پہنچ جاتے ہیں کہ گذشتہ اور موجودہ تمام علماء اور دانشوروں کا اس بات پر اجماع قائم ہے کہ حضرت فاطمہ زہراؑ کائنات کی تمام خواتین سے افضل و برتر ہیں۔ آپ کی خوشنودی مول لینا رسول اکرمؐ کی خوشنودی مول لینے کے مترادف  ہے اور رسول ؐکی رضامندی خدا   کی رضامندی ہے اور خدا کی رضامندی عبادت ہے۔ پس حضرت زہرا ؑ سے عقیدت کا پاس رکھنے کے ساتھ ساتھ اس کا اظہار بھی عبادت ہے۔ اسی  طرح آپ کو ناراض کرنا رسولؐ کو ناراض کرنے کی مانند ہے اور جو رسولؐ کو ناراض کرے اس نے خدا کو ناراض کیا ہے۔ جو خدا کی ناراضگی مول لے  اس کی جگہ جہنم ہے پس حضرت زہراؑ کو ناراض کرنے والا اور آپ کو اذیت دینے والا دونوں بھی جہنمی ہیں۔ آج اگر ہماری خواتین سیدہ کونین سے درس لیں تو حسنؑ و حسینؑ کی سیرت پر چلنے والے بچوں اور زینبؑ و ام کلثومؑ کا کردار پیش کرنے والی بیٹیوں کی تربیت کرسکتی ہیں۔ جہاں رسول اکرم (ص) پوری انسانیت کے لیے نمونہ عمل ہیں وہاں حضرت فاطمہؑ پوری بشریت کے لیے بالعموم اور صنف نسوان کے لیے بالخصوص نمونہ عمل ہیں۔ جہاں پیغمبراکرم (ص) تمام انبیاء سے افضل ہیں وہاں حضرت زہراؑ کائنات کی تمام خواتین سے افضل و برتر ہیں۔اللہ تعالی ہم سب کو حضرت زہراؑ کی سیرت کو اپنانے کی توفیق دے آمین ثم آمین!
 حوالہ جات:
۱: صحیح بخاری، ص۶۸۴، حدیث ۳۷۶۷
۲: صحیح مسلم، ص ۱۲۱۸، حدیث۶۲۰۲
۳: حاکم نیشاپوری، مستدرک صحیحین، ص۹۴۶
۴: عبدالمجید  ابن ابی الحدیدمعتزلی، شرح نہج البلاغہ، ج۹، ص۱۹۳
۵: تفسیر فخررازی، ج۳۲،ص۱۲۴
مذکورہ بالا حوالوں کو مکاتب علی نے اپنی تحقیق منزلت حضرت زہرا در احادیث کے ص۱۴۵۔ ۱۵۶میں نقل کیا ہے۔
۶: محمد یعقوب بشوی،شخصیت حضرت زہرا در تفاسیر اہل سنت، ص۱۹
۷: www. Ahlibeyt.pwrsemani.ir               

اسلام آباد، ارنا- پاکستان کی خاتون تجزیہ کار اور بین الاقوامی تعلقات کی پروفیسر نے کہا کہ تہران کے بیجنگ اور ماسکو سے تعاون کے ساتھ ویانا مذاکرات ہی نے علاقائی اور عالمی میدان میں اسلامی جمہوریہ ایران کی فعال اور مضبوط سیاسی پوزیشن کو ظاہر کیا ہے اور صدر رئیسی کا حالیہ دورہ روس علاقائی سلامتی کو تقویت دیتا ہے۔

رپورٹ کے مطابق، ایرانی بحریہ کے کمانڈر ایڈمیرل "شہرام ایرانی" نے 2022 میری ٹائم سیکورٹی بیلٹ مشترکہ مشق کے موقع پر کہا کہ چین اور روس ایسے ممالک ہیں جو تمام شعبوں میں دنیا میں اپنی پہچان رکھتے ہیں اور سمندر کے میدان میں بحری طاقت کے طور پر بھی جانے جاتے ہیں۔

انہوں نے مزید کہا کہ اسلامی جمہوریہ ایران کی فوج کی اسٹریٹجک بحریہ، ایک علاقائی طاقت کے طور پر، گزشتہ ایک دہائی کے دوران، خطے میں ایک سنجیدہ اور فعال موجودگی رکھتی ہے اور آج سمندر کے میدان میں تینوں ممالک کی تمام کوششیں نیوی گیشن کی حفاظت کو یقینی بنانے پر مبنی ہیں۔

ایڈمیرل ایرانی نے کہا کہ ایران، چین اور روس کے تینوں ممالک؛ مغربی اتحاد سے آزادانہ طور پر سمندری تحفظ فراہم کرتے ہیں اور ان تینوں ممالک کا باہمی احترام کے ساتھ ساتھ رہنا بہت ضروری ہے۔

 ایرانی بحریہ کے کمانڈر نے مزید کہا کہ گزشتہ دو سالوں میں یہ رجحان اس طرح رہا ہے کہ آج ایران، روس اور چین کے درمیان ہم آہنگی اپنی بلند ترین سطح پر ہے۔

انہوں نے کہا کہ چین اور روس دونوں نے اس مشق میں پچھلے سالوں کے مقابلے میں مختلف ڈیزائن کیساتھ  اور جنگی جہازوں اور تباہ کن جہازوں کے ساتھ حصہ لیا ہے جس سے سازوسامان کے مرکب کی پیچیدگی میں اضافہ ہوا ہے اور مشق میں شامل افراد کی تعداد میں بھی اضافہ ہوا ہے۔

ایرانی ایڈمیرل نے کہا کہ  یہ تینوں ممالک؛ اس مشق میں اتنے قریب ہیں کہ ان میں سے ہر ایک ایسے گروپ کو منظم اور کمانڈ کر سکتا ہے اور سمندر میں بین الاقوامی برادری کے لیے مشترکہ کام کر سکتا ہے۔

انہوں نے بحریہ کے بین الاقوامی تجربے کی وضاحت کرتے ہوئے کہا کہ سب سے اہم کامیابی یہ ہے کہ بحریہ عالمی برادری کی "ہم کرسکتے ہیں" چارٹر دکھانے میں کامیاب رہی ہے، جو ایرانی معاشرے میں اسٹبلش ہوگیا ہے۔ درحقیقت ہم نے ایران کے عزیز عوام کی صلاحیت، اختیار اور مزاحمت کا مظاہرہ کیا ہے۔

ایرانی بحریہ کے کمانڈر نے کہا کہ ہم عوام کی حمایت سے ترقی کرنے میں کامیاب ہوئے ہیں اور ان تمام تجربات نے دنیا کے ہر فرد کو اس نتیجے پر پہنچایا ہے کہ ہمیں ایرانیوں کے ساتھ احترام سے بات کرنی ہوگی۔ ہم ایک ایسے لوگ ہیں جو بین الاقوامی قانون کے دائرے میں، جب چاہیں، کہیں بھی موجود ہوں گے، اور ہم کسی کو بھی اپنی طرف جارحانہ نظر سے دیکھنے کی اجازت نہیں دیں گے۔

مہر خبررساں ایجنسی کی رپورٹ کے مطابق اسلامی جمہوریہ ایران کے دارالحکومت تہران میں نماز جمعہ حجۃ الاسلام والمسلمین ابو ترابی فرد کی امامت میں منعقد ہوئی،  جس میں تہران کے مؤمنین نے بھر پور شرکت کی۔ نماز جمعہ کے خطیب جمعہ نے ایرانی صدر سید ابراہیم کے دورہ ماسکو کی طرف اشارہ کرتے ہوئے کہا ہے کہ ایران اور روس کے درمیان مضبوط اور مستحکم تعلقات خطے کی سلامتی کے لئے مؤثر ہیں۔

خطیب جمعہ نے حضرت فاطمہ زہرا سلام اللہ علیھا کی ولادت باسعادت کی آمد کی مناسبت سے مبارکباد پیش کرتے ہوئے کہا کہ نبی کریم صلی اللہ علیہ و آلہ مسلم کی بیٹی، صدیقہ، طاہرہ ہونے کے ساتھ صداقت، شجاعت ، معرفت، زہد اور علم و دانش کا مظہر ہیں اور ان کی ولادت کے دن کو ایران میں یوم مادر اور یوم خاتون کے نام سے موسوم کیا گیا ہے۔ خطیب جمعہ نے کہا کہ دنیا کی تمام عورتوں اور خاص طور پر مسلمانوں عورتوں کی لئے پیغمبر اسلام (ص) کی بیٹی حضرت فاطمہ زہرا (س) بہترین نمونہ ہیں۔

خطیب جمعہ نے ایران، چین اور روس کی مشترکہ بحری مشقوں کو بھی اہم قراردیا اور ایرانی صدر کے دورہ روس کی جانب اشارہ کرتے ہوئے کہا کہ روس ہمارا ہمسایہ ملک ہے اور روس کے ساتھ ایران کے اقتصادی، سیاسی اور تجارتی تعلقات دونوں ممالک کے لئےمفید اور سود مند ثابت ہوں گے۔

حجۃ الاسلام ابو ترابی فرد نے کہا کہ ایران اور روس کے درمیان مضبوط و مستحکم تعلقات کے علاقائی اور عالمی سطح پر مثبت اثرات مرتب ہوں گے اور دونوں ممالک کے گہرے تعلقات سے علاقائی سطح پر امن و سلامتی برقرار رکھنے میں مدد ملےگی۔

شیخ نمر احمد زغموت نے بدھ کی شب مشہد میں "غزہ ڈے بین الاقوامی کانفرنس" میں خطاب کرتے ہوئے کہا: ایرانی قوم فلسطینیوں کے بھائی ہیں اور اس ملک میں جو کچھ ہوا ہے وہ ایران اور اس کے رہبر کی مدد سے ممکن ہوا ہے۔

فلسطین کا تعلق صرف اس ملک کے لوگوں سے ہی نہیں ہے اور آیتِ کریمہ «سُبْحَانَ الَّذِی أَسْرَی بِعَبْدِهِ لَیْلاً مِّنَ الْمَسْجِدِ الْحَرَامِ إِلَی الْمَسْجِدِ الأَقْصَی الَّذِی بَارَکْنَا حَوْلَهُ لِنُرِیَهُ مِنْ آیَاتِنَا إِنَّهُ هُوَ السَّمِیعُ البَصِیرُ (سوره اسرا / ۱)»، کے مطابق یہ سرزمین اور اس کے تمام اطراف مبارک ہیں۔

انہوں نے کہا: ہمیں خدا پر بھروسہ ہے اور غزہ کے لئے خدا کی حمایت اور مدد اور حضرت مہدی عجل اللہ تعالی فرجہ الشریف کے ظہور کے ساتھ فلسطین اور اس کے لوگوں کی عزت اور آزادی کی واپسی کا مکمل یقین ہے ۔

فلسطین کی اسلامی کونسل کے سربراہ نے کہا: اس سرزمین میں کوئی بھی اپنے ہتھیار نہیں ڈالے گا۔

انہوں نے بعض حکومتوں اور صیہونی شیطان صفت حکومت کے درمیان تعلقات کو معمول پر لانے کی طرف اشارہ کرتے ہوئے کہا : فتح، امت اسلامی اور فلسطین اور اس کے قائد کا مقدر بنے گی ان شاء اللہ ۔

شیخ نمر احمد زغموت نے کہا: ہم ملتِ مظلوم فلسطین کے ہر سطح پر تعاون اور حمایت کرنے پر رہبرِ معظم انقلابِ اسلامی، ایران کے حکام اور عوام کا شکریہ ادا کرتے ہیں۔

قابلِ ذکر ہے کہ یہ کانفرنس آستان قدس رضوی کے کانفرنس ہال میں منعقد ہوئی جس میں اسلامی ممالک کے متعدد علماء اور صاحب نظر افراد نے فلسطین کے موضوع پر خطاب کیا۔