بِسْمِ اللَّهِ الرَّحْمَنِ الرَّحِيمِ

عظیم اور دائمی رحمتوں والے خدا کے نام سے

﴿1﴾ إِنَّا أَعْطَيْنَاكَ الْكَوْثَرَ 
(1) بے شک ہم نے آپ کو کوثر عطا کیا ہے

﴿2﴾ فَصَلِّ لِرَبِّكَ وَانْحَرْ
(2) لہذا آپ اپنے رب کے لئے نماز پڑھیں اور قربانی دیں

﴿3﴾ إِنَّ شَانِئَكَ هُوَ الْأَبْتَرُ

(3) یقینا آپ کا دشمن بے اولاد رہے گا

۲۰۱۵/۰۶/۱۷ - رہبر معظم انقلاب اسلامی حضرت آیت اللہ العظمی امام خامنہ ای نے عراق کے وزیر اعظم حیدرالعبادی  اور اس کے ہمراہ وفد کے ساتھ ملاقات میں عراق کے قومی اور سیاسی اتحاد کی حفاظت کے لئےہوشیاری کو بہت ضروری قراردیا اور دہشت گردوں کے خلاف عراقی جوانون کی ہمت ، شجاعت اور عزم کی طرف اشارہ کرتے ہوئے فرمایا: مختلف میدانوں میں عراق کی پیشرفت  اوراس کے مستقبل کے لئے عوامی رضاکار فورس کی عظيم ظرفیت بہت مؤثر اور کارآمد ثابت ہوگی۔

رہبر معظم انقلاب اسلامی نے دہشت گردوں کے مقابلے میں عراقی حکومت اور عوام کی استقامت اور پائداری کو علاقائی ممالک کی سلامتی کا ضامن قراردیتے ہوئے فرمایا: دہشت گردوں کے خلاف عراقی عوام کی ایک اہم صفت جو پہلے سے کہیں زيادہ آشکار ہوگئی وہ دشمن کے مقابلے میں عراقی  رضاکارعوام ، اور عراق کے غیورقبائل کی شجاعت ،عزم اور قدرت ہے۔

رہبر معظم انقلاب اسلامی نے عراق میں دہشت گردوں کی موجودگی کو ایک عارضی اور وقتی مشکل قراردیتے ہوئے فرمایا: عوامی رضاکار افراد کا عظيم سرمایہ مختلف میدانوں اور جنگ کے میدان میں قابل اعتماد سرمایہ ہے۔

رہبر معظم انقلاب اسلامی نے فرمایا:ماضی میں  برطانوی استعمار کے بارے میں عراقی عوام کے تجربات اور موجودہ دور میں امریکہ کی تسلط پسندی اس بات کا مظہر ہے کہ عراقی عوام کے بارے میں بری سوچ اور بری فکر رکھنے والے عراقی عوام کی میدان میں موجودگی کے خلاف ہیں، لہذا اس عظیم سرمایہ کی حفاظت کرنی چاہیے۔

رہبر معظم انقلاب اسلامی نے عراق کے سیاسی اور قومی اتحاد کے خاتمہ کو مغربی ممالک کی انٹلیجنس اور خفیہ اداروں کے اہداف میں ایک ہدف قراردیتے ہوئے فرمایا: ان معاندانہ پالیسیوں اور تفرقہ انگیز سازشوں کا بڑی ہوشیاری اور دقت کے ساتھ مقابلہ کرنا چاہیے اور عراق میں شیعہ و سنی، کرد و عرب کے اتحاد پر خدشہ وارد کرنے کی کسی کو اجازت نہیں دینی چاہیے۔

رہبر معظم انقلاب اسلامی نے فرمایا: اسلامی جمہوریہ ایران  عراق کے انقلابی گروہوں کے درمیان اتحاد کی حمایت کرتا ہے اورعراقی حکام کے لئے ضروری ہے کہ دشمنوں کی معاندانہ اور تفرقہ انگیز سازشوں  کا ہوشیاری اور سنجیدگی کے ساتھ مقابلہ کریں۔

رہبر معظم انقلاب اسلامی نے عراق کی سلامتی اور ترقی و پیشرفت کو ایران کی ترقی، پیشرفت اور سلامتی قراردیتے ہوئے فرمایا: امریکی ایک طرف عراق کے قومی سرمایہ اور دولت کو تاراج کرنا چاہتے ہیں جیسا کہ وہ بعض دیگر عرب ممالک  میں بھی ایسا ہی کررہے ہیں اور دوسری طرف ماضی کی طرح اپنی مرضی کو مسلط کرنے کی کوشش کرتے ہیں لیکن ان کے اس ہدف کو عملی جامہ پہنانے کی اجازت نہیں دینی چاہیے۔

رہبر معظم انقلاب اسلامی نے عراق کی قانونی حکومت  کی ہمہ گیر حمایت پر تاکید کرتے ہوئے فرمایا:  اسلامی جمہوریہ ایران ، عراقی حکومت اور عوام کی بدستور حمایت جاری رکھےگا۔

رہبر معظم انقلاب اسلامی نے اپنی گفتگو میں حسینی اربعین میں زائرین کے استقبال کو عراقی عوام کی ایک اور ممتاز خصوصیت  قراردیتے ہوئے فرمایا: آج کی اس مادی دنیا میں یہ معنوی رفتار بڑی اہمیت کی حامل ہے اورعراقی عوام کی اس فضیلت کی گہرائی ابھی تک صحیح طور پر پہچانی نہیں گئی ہے۔

اس ملاقات میں ایران کے نائب صدر جناب جہانگیری بھی موجود تھے، عراق کے وزیر اعظم حیدر العبادی نے اس ملاقات پر بہت زیادہ خوشی کا اظہار کیا اور ایران کی طرف سے عراقی عوام اورعراقی حکومت کی ہمہ گیر حمایت  اور اسلامی جمہوریہ ایران کے صمیمانہ تعاون کو دونوں ممالک کے گہرے روابط کا مظہر قراردیتے ہوئے کہا: عراق کے دشمنوں نے عراق میں قومی اور مذہبی اختلافات ڈالنے پر اپنی پوری توجہ اور طاقت مبذول کررکھی ہے لیکن عراقی حکومت اور عوام ان کے ناپاک عزائم کو ناکام بنانے اور قومی اتحاد کی حفاظت کے لئے ان کا مقابلہ کرنے کے سلسلے میں مصمم ہیں۔

عراقی وزیر اعظم نے کہا: شام اور عراق میں سرگرم سلفی وہابی تکفیری دہشت گردوں کے نزدیک شیعہ اور سنی میں کوئي فرق نہیں ہے عراقی عوام اور حکومت نے داعش دہشت گردوں کے علاقائی ممالک میں بڑھتے ہوئے قدم روک دیئے ہیں اور اس دہشت گرد گروہ کے ساتھ مقابلہ کے لئے علاقائی ممالک کے درمیان اتحاد ضروری ہے۔

عراقی وزير اعظم حیدرالعبادی نے دہشت گردوں کے مقابلے میں عراقی عوام اور عراقی حکومت کی بھر پور حمایت پر ایرانی قوم اور ایرانی حکومت کا تہہ دل سے شکریہ ادا کیا۔

بِسْمِ اللَّهِ الرَّحْمَنِ الرَّحِيمِ

عظیم اور دائمی رحمتوں والے خدا کے نام سے

﴿1﴾ أَرَأَيْتَ الَّذِي يُكَذِّبُ بِالدِّينِ 
(1) کیا تم نے اس شخص کو دیکھا ہے جوقیامت کو جھٹلاتا ہے

﴿2﴾ فَذَلِكَ الَّذِي يَدُعُّ الْيَتِيمَ
(2) یہ وہی ہے جو یتیم کو دھکےّ دیتا ہے

﴿3﴾ وَلَا يَحُضُّ عَلَى طَعَامِ الْمِسْكِينِ
(3) اور کسی کو مسکین کے کھانے کے لئے تیار نہیں کرتا ہے

﴿4﴾ فَوَيْلٌ لِّلْمُصَلِّينَ
(4) تو تباہی ہے ان نمازیوں کے لئے

﴿5﴾ الَّذِينَ هُمْ عَن صَلَاتِهِمْ سَاهُونَ
(5) جو اپنی نمازوں سے غافل رہتے ہیں

﴿6﴾ الَّذِينَ هُمْ يُرَاؤُونَ
(6) دکھانے کے لئے عمل کرتے ہیں

﴿7﴾ وَيَمْنَعُونَ الْمَاعُونَ
(7) اور معمولی ظروف بھی عاریت پر دینے سے انکار کردتے ہی

بِسْمِ اللَّهِ الرَّحْمَنِ الرَّحِيمِ

عظیم اور دائمی رحمتوں والے خدا کے نام سے

﴿1﴾ لِإِيلَافِ قُرَيْشٍ
(1) قریش کے انس و الفت کی خاطر

﴿2﴾ إِيلَافِهِمْ رِحْلَةَ الشِّتَاء وَالصَّيْفِ 
(2) جو انہیں سردی اور گرمی کے سفرسے ہے ابرہہ کو ہلاک کردیا ہے

﴿3﴾ فَلْيَعْبُدُوا رَبَّ هَذَا الْبَيْتِ
(3) لہذا انہیں چاہئے کہ اس گھر کے مالک کی عبادت کریں

﴿4﴾ الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ
(4) جس نے انہیں بھوک میں سیر کیا ہے اور خوف سے محفوظ بنایا ہے

شام کے دروزی فرقے کے رہنما نے صیہونی حکومت کے اس دعوے کو مسترد کردیا کہ وہ، دروزی قوم کی حمایت کر رہی ہے-

شام کے دروزی فرقے کے رہنما یوسف الجربوع نے گفتگو کرتے ہوئے مقبوضہ فلسطین میں دروزیوں کی ہجرت کے لئے صیہونی حکومت کے تشہیراتی منصوبے پر سخت ردعمل ظاہر کیا- انھوں نے کہا کہ دروزی، کسی کی سرپرستی قبول نہیں کریں گے اور ان کا دفاع کرنا شامی فوج اور حکومت کی ذمہ داری ہے۔ الجربوع نے مزید کہا کہ شام کے دروزی، ملک کے دفاع کے لئے اپنی تمام کوششیں بروئے کار لا رہے ہیں۔ شام کے دروزی فرقے کے رہنما نے صیہونی حکومت کی جانب سے دروزیوں کی حمایت کے دعوے کو اس کی ایک چال قرار دیا اور کہا کہ دروزی قوم کے افراد شامی شہریوں کی حیثیت سے فوج کی صفوں میں شامل ہو رہے ہیں تاکہ ملک اور اس کی ارضی سالمیت کا دفاع کریں۔

ایران کے دارالحکومت تہران میں علامہ اقبال کی یاد میں ایک بین الاقوامی کانفرنس کا انعقاد کیا گيا ہے۔

اس کانفرنس میں ہندوستان، پاکستان، تاجکستان، افغانستان اور ایران کے علاوہ اقتصادی تعاون کی تنظیم ای سی او کے ممالک کے دانشوروں نے بھی شرکت کی۔ کانفرنس میں اسلامی جمہوریہ ایران کے وزیر خارجہ جواد ظریف کا پیغام پڑھ کر سنایا گیا۔ فرہنگستان زبان و ادبیات فارسی یا پرشین لینگویج اتھارٹی کے سربراہ ڈاکٹر حداد عادل نے بھی اس کانفرنس سے خطاب کیا۔ انہوں نے اپنے خطاب میں کہا کہ علامہ اقبال رسول خدا (ص) اور ان کے اہل بیت سے بہت عقیدت رکھتے تھے اور ان کے اشعار میں اس عقیدت و محبت اور قرآن سے ان کی الفت کا اندازہ لگایا جاسکتا ہے- پاکستان کے سفیر نے بھی اس کانفرنس میں اپنے ملک کے صدر اور وزیر اعظم کے پیغامات پڑھ کر سنائے- کانفرنس میں اقتصادی تعاون کی تنظیم ای سی او کے ثقافتی ادارے کے سربراہ افتخار حسین عارف نے تقریر کرتے ہوئے امید ظاہر کی کہ ای سی او  تنظیم، باہمی اقتصادی تعاون کے ساتھ ساتھ، ثقافتی تعاون پر بھی توجہ دے گی۔   

اسلامی جمہوریہ ایران کے وزیر پٹرولیم نے کہا ہے کہ ہم تیل کی برآمدات کو پابندیوں سے قبل کی سطح تک پہنچانا چاہتے ہیں-

ایران کے وزیر پٹرولیم بیژن نامدار زنگنہ نے ایک جرمن اخبار کے ساتھ گفتگو کرتے ہوئے کہا کہ ایران تیل کی برآمدات کو فروغ دے گا- انہوں نے اس امید کا اظہار کیا کہ ایران کے خلاف عائد پابندیوں کے خاتمے سے عالمی منڈیوں میں توانائی کے شعبے میں ہماری برآمدات میں اضافہ ہوگا- ایران کے وزیر پٹرولیم نے پابندیوں کے خاتمے کی صورت میں ایران اور مغرب کے دو طرفہ تعاون کے بارے میں بھی گفتگو کی- بیژن نامدار زنگنہ نے کہا کہ یورپی منڈیوں کو کسی قابل اطمینان ذریعے کی تلاش ہے جو ان کی توانائی سے متعلق ضرورت پوری کرسکے اور ہم ایک سو سات برسوں تک کسی مشکل اور کشیدگی کے بغیر توانائی کی منڈی میں موجود ہیں- انھوں نے کہا کہ ایران گذشتہ ایک صدی سے زیادہ عرصے کے دوران تیل پیدا کرنے والا ایک اہم ملک رہا ہے اور ہم چاہتے ہیں کہ ماضی کی طرح تیل کی عالمی اور یورپی منڈیوں میں موجود رہیں-

امام راحل کی 26ویں برسی کی مناسبت سے

انقلاب اسلامی کے عظیم قائد و اسلامی دنیا کے عظیم مفکر، فلسفی، مربی، راہنما، رہبر، مظلوموں کے مسیحا، ظالموں کے لئے آہنی تلوار، طاغوت شکن، انسان کامل، پیرو انبیاء و اوصیاء حضرت امام خمینی (رہ) کو ہم سے بچھڑے ہوئے اب چھبیس سال کا عرصہ بیت چکا ہے، لیکن یہ حقیقت جہاں دوستوں کے لئے واضح طور پر آشنا ہے، وہاں دنیائے طاغوت کی تمام تر شیطانی قوتوں کے لئے بھی اسی طرح سے آشنا ہے کہ رہبر عظیم حضرت امام خمینی (رہ) آج بھی دنیا کے کروڑوں انسانوں کے دلوں میں اسی طرح زندہ و جاوید ہیں، جس طرح کہ وہ آج سے چھبیس برس قبل تھے، ظاہری طور پر ان کا جسد خاکی اس دنیا سے کوچ کر گیا ہے، لیکن ان کی پاکیزہ روح آج بھی ہر ذی شعور کے دل میں اور ہر ایسے انسان کے دل میں دھڑکن بن کر دھڑک رہی ہے جو امت مسلمہ کے لئے درد رکھتا ہے، یا کم از کم ظلم پر خاموش نہیں رہتا ہے، دنیا کی ظالم و جابر قوتوں اور شیطانی نظاموں کے سامنے اپنا سر نگوں نہیں کرتا ہے، یہی وہ پیمانہ ہے جو اس بات کی دلیل ہے کہ انیسویں صدی میں مشرق کے افق پر رونما ہونے والا آفتاب امام خمینی (رہ) آج بھی زندہ و جاوید حقیقت کی مانند دنیا کے لئے نمونہ عمل بنا ہوا ہے، یہ ایسا آفتاب نمودار ہوا تھا کہ جس کو زوال نہیں، یہ ایسا روشن دمکتا ہوا چاند ہے کہ جو ہمیشہ اسلام کی سربلندی کے لئے تابناک رہے گا۔

امام خمینی (رہ) کی عظیم شخصیت اور ان کے افکار کے بارے میں لکھنا انتہائی مشکل کام ہے، کیونکہ سمندر کو کوزے میں بند کرنا ممکن نہیں، تاہم کوشش کی جائے گی کہ امام خمینی (رہ) کی زندگی اور آپ کے افکار کے چند پہلوئوں پر روشنی ڈالی جائے۔ دور حاضر کے بدلتے ہوئے حالات و واقعات اور دنیا میں ہونے والی خونریزی کہ جسے عالمی استعماری قوتوں نے شروع کر رکھا ہے، ایسے حالات میں دنیا کے ہر ملک میں، ہر گوش و کنار میں، ایک ہی آواز سنائی دے رہی ہے کہ کاش ہمارے وطن میں کوئی ایک خمینی بن کر آجائے۔ خاص طور پر پاکستان کے حالات کو ہی دیکھ لیجئے، دوست تو دوست دشمن بھی حقیقت کو زیر لب لے ہی آتے ہیں اور بالآخر تسلیم کرتے ہیں کہ اگر پاکستان میں بھی اسلامی انقلاب کی بنیاد رکھی جاسکتی ہے تو اسکے لئے کسی خمینی کو آنا ہی ہوگا، ورنہ اسلامی انقلاب تو کجا چھوٹے چھوٹے معرکے بھی سر نہیں کئے جاسکتے۔ امام خمینی (رہ) نے ایران کی سرزمین پر ایک ایسے انقلاب اسلامی کی بنیاد رکھی جو آج پینتیس برس گزر جانے کے بعد بھی اسی رفتار کے ساتھ ترقی کی منازل طے کر رہا ہے، جبکہ صرف یہاں تک محدود نہیں رہا ہے بلکہ سرحدوں سے نکل چکا ہے، دنیا کے ہر گوش و کنار میں اسی اسلامی انقلاب کی کرنیں نظر آتی ہیں، جو 1979ء میں امام خمینی (رہ) کی قیادت میں ایران میں نمودار ہوا تھا۔

امام خمینی (رہ) کی زندگی کا مطالعہ کیا جائے تو ایک بات تو بڑی واضح نظر آتی ہے کہ آپ کی پوری زندگی تعلیمات انبیاء و اوصیائے کرام اور اسلام و قرآن و اہلبیت علیہم السلام کے بتائے ہوئے بنیادی اصولوں کے گرد گھومتی ہوئی نظر آتی ہے، حتٰی کہ آپ کے بارے میں مشہور ہے کہ آپ جب پانی بھی نوش فرماتے تھے تو اس نیت و دعا کے ساتھ کہ اللہ تعالٰی اس پانی سے جسم کو ملنے والی قوت و توانائی کو اپنی راہ میں خرچ کرنے کی توفیق عطا فرمائے۔ آپ کی پوری زندگی کے حالات و واقعات اس قدر سخت اور مشکل گزرے ہیں کہ اگر کوئی عام انسان ان حالات سے گزرے تو شاید ایک دو روز میں ہی شکست خوردہ ہوجاتا، لیکن یہ امام خمینی (رہ) کی ثابت قدمی اور اللہ پر ایمان کامل کا نتیجہ رہا کہ آپ کی زندگی میں پیش آنے والے سخت سے سخت حالات کا آپ نے احسن طریقے سے مقابلہ کیا اور سرخرو ہوئے۔ آپ نے ہمیشہ اپنے ساتھیوں کو بھی اللہ پر بھروسہ رکھنے اور اپنی ذمہ داری کو بھرپور انداز میں ادا کرنے کا درس دیا۔ خلاصہ کیا جائے تو یہ کہا جاسکتا ہے کہ دور حاضر میں امام خمینی (رہ) کی شخصیت ایک ایسی روحانی اور کامل شخصیت تھی، جنہوں نے اللہ پر اپنا یقین اس طرح سے کامل کر لیا تھا، جیسے ایک مرد مومن کو کرنا چاہئیے۔

امام خمینی (رہ) نے اپنی زندگی میں اس وقت کے تمام طاغوتی نظاموں کو چیلنج کیا اور اللہ پر کامل یقین رکھتے ہوئے اپنی جدوجہد کا آغاز کر دیا، ایران میں شاہ کا زمانہ تھا، لوگوں پر سخت سے سخت شکنجے لگائے جاتے تھے، حتٰی آپ کو بھی متعدد مرتبہ مصائب و آلام کا نشانہ بنایا گیا، جلاوطن کیا گیا، سختیوں میں رکھا گیا، لیکن آپ اپنے ہدف اور مقصد سے پیچھے نہ ہٹے، آپ نے اسلام کی سربلندی کی راہ میں ہر وہ قربانی پیش کی، جس کا آپ سے تقاضہ کیا گیا اور بالآخر آپ کو ملک بدر کر دیا گیا، لیکن آپ ملک بدر ہونے کے بعد اپنی جدوجہد میں اسی طرح وارد رہے، یہ امام خمینی (رہ) کی شخصیت تھی جس نے اس وقت کہ فرعونوں کو للکار دیا تھا، ایک طرف ایران کا بادشاہ تھا جو آپ کا دشمن بنا ہوا تھا، جبکہ دوسری طرف عالمی استعماری قوتیں امریکہ اور اسرائیل سمیت یورپی ممالک تھے جن کا اصل چہرہ آپ نے عوام کو دکھایا اور بتایا کہ یہ طاغوتی قوتیں دنیا میں مسلمانوں کا خون چوس رہی ہیں، ہمیں ان کے مقابلے میں قیام کرنا ہوگا، ورنہ ہمارا انجام بھی دنیا کی دیگر اقوام کی طرح ہوگا۔

یہ حضرت امام خمینی (رہ) ہی تھے جنہوں نے دنیا کو بتایا کہ مسلمانوں کی تمام تر مشکلات کا ذمہ دار امریکہ ہے، آپ نے امت اسلامی کو واضح طور بتا دیا کہ جس دن امریکہ ہم سے خوش ہو جائے اس دن یوم سوگ ہے۔ آپ نے دنیا کے باشعور لوگوں کو بتایا اور جو شعور نہیں رکھتے تھے، ان میں شعور بیدار کیا کہ ہمارا دشمن امریکہ ہے، آپ نے دنیا کو باور کروایا کہ امریکہ شیطان بزرگ ہے، جو دنیا کے متعدد ممالک میں انسانوں کے خون سے ہولی کھیلتا ہے اور پھر امن کا داعی بن کر دنیا کے عوام کو دھوکہ دہی کا شکار بناتا ہے، آپ نے دنیا پر آشکار کیا کہ یہ امریکہ شیطان بزرگ ہی ہے کہ جو 1948ء سے قبل اور آج تک غاصب صیہونی ریاست اسرائیل کی کھلم کھلا اور بے دریغ مدد کرتا ہے، تو کس طرح پھر امریکہ ہماری مشکلات کا حل دے سکتا ہے۔

حضرت امام خمینی (رہ) دنیا میں وہ واحد راہنما ہیں جنہوں نے فلسطین کے مظلوموں کے لئے صدائے احتجاج بلند کی، صرف صدائے احتجاج ہی نہیں بلکہ آپ نے ملت کو ایک منشور عطا کیا کہ فلسطین سمیت دنیا کے مظلوموں کی مدد کرنا نہ صرف ہمارا اخلاقی بلکہ شرعی فریضہ ہے، آپ نے رمضان المبارک کے آخری جمعہ ''جمعة الوداع'' کو مظلوم فلسطینیوں سے ہمدردی اور قبلہ اول بیت المقدس کی بازیابی کا دن قرار دیتے ہوئے ''یوم القدس'' قرار دیا اور فرمایا کہ ''یوم القدس، یوم اللہ، یوم اسلام اور یوم رسول اللہ (ص) ہے، جو اس دن کو نہیں مناتا وہ استعمار (امریکہ اور اسرائیل) کی خدمت کرتا ہے۔'' یہی وجہ ہے کہ آج دنیا نے امام خمینی (رہ) کی زندہ و جاوید سیرت اور افکار کو فراموش نہیں کیا ہے اور دنیا بھر میں آج مظلوم فلسطینیوں کے لئے آواز بلند کی جا رہی ہے، جس کا سہرا یقیناً حضرت امام خمینی (رہ) کے سر ہے۔

یہ امام خمینی (رہ) کی شخصیت ہی تھی جنہوں نے دنیا کے مظلوموں کو تمام ظالموں کے مقابلے میں کھڑا کر دیا، مظلومین جہاں کو قوت عطا کی، زبان عطا کی، حوصلہ دیا کہ وہ مبارزہ میں شامل ہوں، دنیا کے ظالم و جابر حکمرانوں کے سامنے سر تسلیم خم نہ کریں، آپ نے دنیا کے تمام ان مظلوموں کی حمایت کی، جنہیں عالمی استعماری قوتوں نے جبری طور پر مظلوم (مستضعف) بنا دیا تھا، آپ نے اپنی ملت اور امت اسلامی کو تاکید کی کہ دنیا کے مستضعفین کی حمایت جاری رکھی جائے، آپ نے اسلامی انقلاب کی کامیابی کے فوراً ہی بعد فلسطین کے مظلوم عوام کی عملی طور پر مدد کا اعادہ کیا اور سرکاری سطح پر فلسطین فنڈ سمیت فلسطین کی آزادی کے لئے جدوجہد کرنے والی اسلامی مزاحمتی تحریکوں کی حمایت و نصرت کو اسلامی انقلاب کی اولین ترجیحات میں قرار دیا، جس کی سب سے بڑی مثال یہ تھی کہ اسلامی انقلاب کی کامیابی کے بعد ایران میں پہلے سے موجود اسرائیلی سفارت خانہ کو بند کر دیا گیا اور اس عمارت کو فلسطینی سفارت خانہ بنایا گیا۔

امام خمینی نے دین و سیاست کا ایک ایسا امتزاج پیش کیا ہے اور اس میں عملی حصہ لیکر پوری دنیا پر اسلامی سیاست کا وہ عملی نمونہ پیش کیا ہے کہ جس کی مثال پوری دنیا میں نہیں ملتی۔ امام خمینی نے اْن لوگوں کا یہ نظریہ بھی غلط ثابت کیا ہے کہ دین و سیاست دو جدا مفہوم ہیں اور اْن لوگوں کے نظریہ کو بھی باطل قرار دیا ہے جن کے نزدیک سیاست ایک گندا کھیل ہے، جس میں علماء کو داخل نہیں ہونا چاہیے۔ امام خمینی (رہ) نے دنیا کے مسلمانوں کو بتایا کہ اگر اسلام کے اجتماعی احکام کو نکال دیا جائے تو اس دین مبین میں سے سوائے بے روح جسد کے اور کچھ باقی نہیں رہتا، اسلام کا ایک بڑا حصہ اجتماعیات پر مشتمل ہے اور اس کا اجراء کرنا بھی اقتدار اور حاکمیت کے ساتھ تعلّق رکھتا ہے۔ لہذا اسلام کو ہم ایک فردی دین اور لوگوں کی خصوصی زندگی سے مخصوص مذہب نہیں قرار دے سکتے۔ دین کو سیاست سے جدا کرنے کی بات یا تو اصل دین کے بارے میں کج فہمی کا نتیجہ ہے یا بدخواہوں کے پروپیگنڈے کا اثر ہے۔

اگر انسان ایک اجتماعی اور سیاسی مخلوق ہے اور اگر ہم دین اسلام کی جامعیت کے بھی قائل ہوں، جو انسانی زندگی کے تمام پہلوؤں پر مشتمل ہے تو ان سب باتوں کا منطقی نتیجہ یہ ہے کہ دین ہرگز سیاست سے جدا نہیں ہوسکتا۔ پس سیاست سے دین کی جدائی کی بحث ایک مشکوک بحث ہے۔ ''اس بات کو استعمار (امریکہ اور اس کے حواریوں) نے پھیلایا ہے کہ دین کو سیاست سے جدا ہونا چاہئے اور علمائے اسلام کو اجتماعی و سیاسی امور میں دخالت نہیں کرنی چاہئے۔ یہ سب بے دین افراد کا پروپیگنڈا ہے۔ کیا زمانہ پیغمبر ۖ میں سیاست دین سے جدا تھی؟ کیا اس زمانے میں بھی ایک گروہ علماء کا تھا اور دوسرا سیاستدانوں اور حکمرانوں کا؟ کیا خلفاء اور حضرت امیر کے زمانہ خلافت میں سیاست دین سے جدا تھی؟ آیا اس وقت دو نظام تھے؟ یہ سب باتیں استعمار اور ان کے کارندوں نے پھیلائی ہیں، تاکہ دین کو دنیوی امور اور مسلمانوں کے معاشرتی مسائل سے دور رکھ سکیں۔''

امام خمینی کے نزدیک ''اسلام ایک ایسا مکتب ہے جو غیر توحیدی مکاتب کے برعکس تمام فردی و اجتماعی، مادی و معنوی، ثقافتی و سیاسی اور فوجی و اقتصادی مسائل میں دخالت اور نظارت رکھتا ہے اور اس (دین) میں کسی ایسے چھوٹے سے چھوٹے نکتے کو بھی نظر انداز نہیں کیا گیا، جو انسان اور معاشرے کی تربیت اور مادی و معنوی ترقی میں کردار ادا کرسکتا ہو۔'' پس جو شخص ان دونوں میں جدائی کی بات کرتا ہے وہ درحقیقت نہ دین کی حقیقت سے آگاہ ہے اور نہ ہی سیاست کے مفہوم کو جانتا ہے۔ ''ہمیں سیاست سے کیا مطلب'' کا معنی یہ ہے کہ اسلام کو بالکل فراموش کر دینا چاہئے، اسلام کو چھوڑ دینا چاہئے اور اسلام کو (مدارس) کے حجروں میں دفن کر دینا چاہئے۔ یہ ہماری کتابیں دفن ہوجانی چاہییں۔'' امام خمینی کے نزدیک ''اسلام کی اساس ہی سیاست ہے۔'' اور ''رسول اللہ نے سیاست کی بنیاد دین پر رکھی ہے۔'' صدر اسلام اور زمانہ پیغمبرۖ سے لے کر جب تک انحراف پیدا نہیں ہوا تھا، سیاست اور دین ایک ساتھ تھے۔''

امام خمینی کی یہ باتیں بار ہا تکرار ہوئی ہیں، خصوصاً اس مفہوم اور تعریف کے ساتھ کہ جس کے وہ سیاست کے بارے میں قائل تھے اور اس کے مطابق یہ باتیں قابل فہم بھی ہیں اور قابل قبول بھی۔ جیسا کہ پہلے بھی گزر چکا ہے کہ امام خمینی کے نزدیک ''سیاست، معاشرے کی ہدایت و راہنمائی کرنے، معاشرے کی مصلحت، انسانوں اور معاشرے کے تمام پہلوؤں کو مدنظر رکھنے کا نام ہے۔ ان کی اس چیز کی طرف راہنمائی کرنے کا نام سیاست ہے کہ جس میں ان لوگوں اور قوم و ملت کی مصلحت ہے اور یہی چیز انبیاء سے مخصوص ہے۔'' اس نظریہ کے مطابق اسلام کے تمام احکام و قوانین سیاسی جلوہ لئے ہوئے ہیں۔ ''دین اسلام، ایک سیاسی دین ہے۔ ایک ایسا دین ہے، جس کا سب کچھ سیاسی ہے حتٰی اس کی عبادت بھی سیاسی ہے۔'' حتٰی اس نگاہ سے دیکھیں تو ''اسلام کے اخلاقی احکام بھی سیاسی ہیں۔''

بہرحال خلاصہ یہ ہے کہ یہ امام خمینی (رہ) کی شخصیت اور آپ کی پاکیزہ جدوجہد کی کرامات ہیں کہ آج پوری دنیا میں اسلامی انقلاب کی کرنیں کہیں اسلامی مزاحمت کی تحریکوں حزب اللہ، حماس، جہاد اسلامی، القسام بریگیڈ کی صورت میں نمودار ہوچکی ہیں، جنہوں نے دنیا کے شیطان صفت نظاموں کو عملی طور پر شکست دے دی ہے اور اس انقلاب اسلامی کی کرنیں نہ صرف عرب دنیا بلکہ پورے ایشیاء سمیت دنیا کے تمام گوش و کنار میں پائی جاتی ہیں، امام خمینی (رہ) کی چھبیسویں برسی کی مناسبت سے ضرورت اس امر کی ہے کہ ہمارے حکمران بھی اسلام کے سنہرے اصولوں کو اپنا طرہ امتیاز بناتے ہوئے مملکت عزیز کی ترقی کے لئے راہیں ہموار کریں اور طاغوتی نظاموں کی غلامی سے خود کو آزاد کر لیں۔

 تحریر: کربلائی

بِسْمِ اللَّهِ الرَّحْمَنِ الرَّحِيمِ

عظیم اور دائمی رحمتوں والے خدا کے نام سے

﴿1﴾ أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ
(1) کیا تم نے نہیں دیکھا کہ تمہارے رب نے ہاتھی والوں کے ساتھ کیا برتاؤ کیاہے

﴿2﴾ أَلَمْ يَجْعَلْ كَيْدَهُمْ فِي تَضْلِيلٍ 
(2) کیا ان کی چال کو بے کار نہیں کردیا ہے

﴿3﴾ وَأَرْسَلَ عَلَيْهِمْ طَيْرًا أَبَابِيلَ
(3) اور ان پر اڑتی ہوئی ابابیل کو بھیج دیا ہے

﴿4﴾ تَرْمِيهِم بِحِجَارَةٍ مِّن سِجِّيلٍ
(4) جو انہیں کھرنجوں کی کنکریاں ماررہی تھیں

﴿5﴾ فَجَعَلَهُمْ كَعَصْفٍ مَّأْكُولٍ
(5) پھر انہوں نے ان سب کو چبائے ہوئے بھوسے کے مانند بنادیا

بِسْمِ اللَّهِ الرَّحْمَنِ الرَّحِيمِ

عظیم اور دائمی رحمتوں والے خدا کے نام سے

﴿1﴾ أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ
(1) کیا تم نے نہیں دیکھا کہ تمہارے رب نے ہاتھی والوں کے ساتھ کیا برتاؤ کیاہے

﴿2﴾ أَلَمْ يَجْعَلْ كَيْدَهُمْ فِي تَضْلِيلٍ 
(2) کیا ان کی چال کو بے کار نہیں کردیا ہے

﴿3﴾ وَأَرْسَلَ عَلَيْهِمْ طَيْرًا أَبَابِيلَ
(3) اور ان پر اڑتی ہوئی ابابیل کو بھیج دیا ہے

﴿4﴾ تَرْمِيهِم بِحِجَارَةٍ مِّن سِجِّيلٍ
(4) جو انہیں کھرنجوں کی کنکریاں ماررہی تھیں

﴿5﴾ فَجَعَلَهُمْ كَعَصْفٍ مَّأْكُولٍ
(5) پھر انہوں نے ان سب کو چبائے ہوئے بھوسے کے مانند بنادیا